دەۆيس كۋبوگى: قازاقستان نورۆەگيامەن ماتچتا العا شىقتى

بۇگىن قازۆقستاندىق تەننيسشىلەر جۇپتىق سىندا كورتقا شىقتى. نورۆەگيالىقتار ساپىندا كاسپەر رۋدتى 23 جاستاعى سيمەن سۋندە براتحولم الماستىردى. ول ۆيكتور دۋراسوۆيچپەن بىرگە قازاقستاندىقتار اندرەي گولۋبەۆ پەن الەكساندر نەدوۆەسوۆكە قارسى تۇردى.

ءبىرىنشى سەتتە نورۆەگيالىق جۇپ 4:1 ەسەبىمەن العا شىقتى. دەگەنمەن قازاقستاندىقتار تارازى باسىن تەڭەستىردى. سوسىن تاي-برەيكتە جەڭىستى ج ۇلىپ الدى - 7:6 (12:10). ەكىنشى سەتتە قازاقستاندىق جۇپ تاعى ءبىر برەيك جاساپ, ماتچتى جەڭىسپەن ءتامامدادى - 6:3.

ءبىر جارىم ساعاتتان اسا ۋاقىتقا سوزىلعان ماتچتا قازاقستاندىقتار 1 ەيس جاساپ, 7 برەيك-پوينتتىڭ ەكەۋىن پايدالانا ءبىلدى.

وسىلايشا قازاقستان نورۆەگيامەن ماتچتا 2:1 ەسەبىمەن العا شىقتى. ەندى جەكەلەي سىندا الەكساندر بۋبليك پەن كاسپەر رۋد كۇش سىناسادى. بەسىنشى كەزدەسۋ قاجەت بولسا, ميحايل كۋكۋشكين مەن ۆيكتور دۋراسوۆيچ وينايدى.