شىعىس قازاقستان وبلىسىندا جاساندى جولمەن قار كوشكىنى تۇسىرىلەتىندىكتەن «وسكەمەن-التاي» تاسجولى جابىلدى, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, بۇگىن وڭىردەگى تاسجولداردىڭ بىرىندە پروفيلاكتيكالىق كوشكىن ءتۇسىرۋ جۇمىستارى جۇرگىزىلەدى.
«ساعات 11.00-دەن باستاپ وبلىستىق ماڭىزى بار «وسكەمەن-التاي» تاسجولىنىڭ 58-65 شاقىرىمىندا كولىكتىڭ بارلىق تۇرلەرى ءۇشىن قوزعالىسقا تىيىم سالىنادى», دەلىنگەن اقپاراتتا.
وسى رەتتە, قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي-كۇيىن «دارمەن» ءموبيلدى قوسىمشاسى ارقىلى تەكسەرىپ وتىرۋعا كەڭەس بەردى.