تەحنيكالىق ماماندىقتا وقۋدىڭ مۇمكىندىگى مولايدى

ەڭ ءبىر جاعىمدى جاڭالىق, تەحنيكالىق دايىندىق باعىتتارى بويىنشا ۇمىتكەرلەر ءۇشىن شەت ءتىلىن مەڭگەرۋگە ارنالعان IELTS تەستىنىڭ ورتاشا بالى تومەندەتىلدى. ەندى 5.0 بالل جەتكىلىكتى جانە ءبىر جىل تىلدىك دا­يىن­دىقتان ءوتۋ مۇمكىندىگى دە قاراس­تى­رىل­عان. بۇل شارالار تەحنيكالىق مامان­دىق­تار بو­يىنشا وقىتۋ مۇمكىندىگىن كەڭەي­تۋ­گە با­عىت­تالىپ وتىر.

«حالىقارالىق باعدارلامالار ورتا­لى­عى» اق پرەزيدەنتى ءانۋار جانعوزين: «پرە­زيدەنت قاسىم-جومارت توقاەۆتىڭ تاپ­­سىر­ماسى بويىنشا باعدارلامانى قايتا باعدارلاۋ پروتسەسى باستالدى. ەندى ين­جەنەرلىك-تەحنيكالىق كادر­لاردى دا­يىنداۋ باسىمدىققا يە بولماق. سون­داي-اق «ينجەنەرلىك-تەحنيكالىق قىز­مەت­كەر­لەر» جەڭىلدەتىلگەن ساناتىن ەنگى­زۋ قا­راس­تىرىلىپ جاتىر. «بولاشاق» باعدار­لا­ماسىنا قۇجات تاپسىرۋ كەزىندە ولار مىن­دەتتى تۇردە شە­تەل­دىك ۋنيۆەرسيتەت­تەر­گە ءوز بەتىنشە تۇس­پەيدى. ولار الدىمەن­ ءتىل كۋرس­تارىنان ءوتىپ, ستيپەنديا تاعايىندالعاننان كەيىن باعدارلاما بويىنشا وقۋعا ۇسىنىلعان ۋنيۆەرسيتەتتەر تىزىمىنەن وقۋ ورنىن تاڭداي الادى», دەدى.

ورتالىق وكىلىنىڭ ايتۋىنشا, اۋىلدىق جەرلەردەن كەلگەن ۇمىتكەرلەردىڭ دە مۇم­كىن­دىكتەرىن ارتتىرۋ جوسپارلانىپ جاتىر. مىسالى, IELTS ناتيجەسىمەن اعىلشىن ءتىلىن مەڭگەرۋ دەڭگەيىن 5.0 بالعا دەيىن تومەندەتۋ, اۋىلدىق جەرلەردە مىندەتتى تۇرۋ مەرزىمى 3 جىلدان 2 جىلعا دەيىن قىسقارتۋ جوسپاردا بار, ولارعا تىلدىك دايىندىقتان وتۋگە مۇمكىندىك بەرىلەدى. وسىعان قوسا اۋداندىق ماڭىزى بار قالا تۇرعىندارىن قوسۋ ارقىلى اۋىلدىق جەرلەردەن كانديداتتاردىڭ كون­تين­گەنتىن كەڭەيتۋ جانە ولاردىڭ سانىن ۇل­عايتۋ ۇسىنىلدى.

«بارلىق پروتسەستى وڭايلاتۋ, اۆتوماتتان­دى­رۋ جانە اشىقتىق بويىنشا جۇمىس جال­­­­­عاسادى. اكادەميالىق ادالدىقتى قام­­­­تا­ماسىز ەتۋ ءۇشىن ستيپەنديا بەرۋگە كون­­­كۋرس­­تىق ىرىكتەۋ پروكتورينگ پەن انتي­چي­تينگ­­­تىڭ جەتىلدىرىلگەن جۇيەسىمەن جۇزەگە اسى­­رى­لادى. ونلاين فورمات جانە بيزنەس-پرو­تسەس­تەردى ودان ءارى اۆتوماتتاندىرۋ ىرىك­تەۋ جۇيەسىن ودان دا اشىق, قولجەتىمدى, ىڭ­عاي­­لى جانە ۇتىمدى ەتەدى», دەپ اتاپ ءوتتى ءا.جانعوزين.