1 ناۋرىزدا تۇركىستان قالاسى كوشەلەرىنىڭ قيىلىسىندا ورناتىلعان 26 «سەرگەك» تىركەۋ كامەراسى ىسكە قوسىلدى, دەپ حابارلايدى Egemen.kz تۇركىستان وبلىسى پد ءباسپاسوز قىزمەتىنە سىلتەمە جاساپ.
جاڭا كامەرالار تاۋكە حان مەن ساتتارحانوۆ داڭعىلدارى بويىنشا, قىزىلوردا تاس جولى بويىنداعى «گازپروم» جقس اۋدانىندا, كەنتاۋ, اتاباي, بالتاكول جانە شىمكەنت تاس جولدارى بويىنشا ورناتىلدى. سونداي-اق كامەرالار جىبەك جولى, س.ەرۋباەۆ, ب.مايلين, مايكوتوۆ, س.قوجانوۆ, قاراداۋوۆ كوشەلەرىنىڭ قيىلىسىندا, مەگا-ورتالىق اۋدانىندا, قازىبەك بي, جارىلقاپوۆ, التىنسارين, و.جاندوسوۆ, تاۋەلسىزدىككە 10 جىل, بىرلىك, شەكتىتىلەۋ, ءال-فارابي جانە ساندىباي كوشەلەرىندە دە جۇمىس ىستەيتىن بولادى.
«ەگەر ءسىز جول قوزعالىسىنىڭ قانداي دا ءبىر ەرەجەلەرىن بۇزساڭىز, مۇنىڭ ءبارى بەينەباقىلاۋ كامەرالارى مەن بەكىتۋ جۇيەلەرىنىڭ نازارىنان تىس قالمايدى. وسىعان بايلانىستى تۇركىستان وبلىسىنىڭ پوليتسەيلەرى جۇرگىزۋشىلەرگە جول قوزعالىسى ەرەجەلەرىن قاتاڭ ساقتاۋ قاجەتتىگى تۋرالى ەسكەرتەدى», دەلىنگەن ءباسپاسوز قىزمەتىنىڭ حابارلاماسىندا.