قايسار كاسىپكەر قولداۋ بىلدىرگەن جاندارعا ءدان ريزا

راحات اقپاراتتىق تەحنولوگيالار بويىنشا مامان اتانىپ, بىرنەشە جىل جەكە كومپانيانىڭ بىرىندە ۆەب-ما­­مان بولىپ جۇمىس ىستەدى. سونداي-اق بەينەمونتاج نەگىز­دە­رى بويىنشا ءۇش ايلىق كۋرس­تى وقىپ شىقتى. 

– كوپتەگەن كومپا­نيانىڭ كەڭ­سەلەرى ارباداعى ادام­­دار ءۇشىن بەيىمدەلمەگەن سوڭ ولار­دىڭ جۇمىسقا الۋعا مۇم­­كىندىگى جوق. مەن ۇنەمى قوز­عا­لىس­تا بولعىم كەلدى, بەل­سەن­دى تۇر­دەگى جۇمىس ۇنايدى. ۇزاق ۋا­قىت بويى جۇمىس ىزدەپ, ءوز بيز­نەسىمىزدى اشۋ ەڭ وڭتايلى ءىس بولادى دەپ شەشتىم. اۋدان­دىق كاسىپكەرلەر پالاتاسىنا جۇگىنىپ, وندا ماعان جان-جاقتى كەڭەس بەرىپ, مەملەكەتتىك قول­داۋ شارالارىمەن تانىستىردى. ەرەكشە قاجەتتىلىكتەرى بار ازاماتتاردىڭ تابىستى كا­­­سىپكەر اتانىپ جاتقانىن جەت­­كىزدى. تابىستى وقيعالار مە­نى شابىتتاندىرىپ, جەكە كا­­سى­بىمدى اشامىن دەگەن ءۇمىت سىي­لادى. وسىلايشا, «باستاۋ بيزنەس» وقىتۋ جوباسىنا جازىلىپ, وقۋدى اياقتاعاننان كەيىن 200 اەك كولەمىندە گرانت ۇتىپ الدىم, – دەيدى كەيىپ­كە­رى­مىز.

راحات گرانت قاراجاتىنا ۋاق مال ساتىپ الىپ, قازىر 12 قوي­دى ءوز اۋلاسىندا باعىپ وتىر. الداعى ۋاقىتتا جىلقى ساتىپ الۋدى ويلاپ ءجۇر. ءۇي ماڭىنداعى باۋ-باقشادا جو­ڭىشقا وسىرەدى. ارينە, ار­با­عا تاڭىلعان ادام تۇگىلى, مۇن­داي ىستەردى يگەرىپ كەتۋ ساۋ ادام­نىڭ وزىنە سىن. ال بۇل با­عىتتا راحاتقا جاقىندارى كو­مەك­تە­سىپ كەلەدى.

ايتپاقشى, الماتى وبلىسىندا «ەڭبەك» باعدارلاماسى شەڭبەرىندەگى «باستاۋ بيزنەس» كاسىپكەرلىك نەگىزدەرىن وقى­تۋ جوباسى بويىنشا بەس جىل ىشىندە 16 مىڭنان اسا جۇ­مىس­سىز جانە ءىسىن جاڭا باس­تا­عان كاسىپكەرلەر وقى­تىل­­دى. وتكەن جىلدارى اياق­تا­عانداردى ەسكەرە وتىرىپ, جوبا بويىنشا وقىتىل­عان­داردىڭ ىشىنەن 6 328 بيزنەس-جوبا مەملەكەتتىك باع­دار­لامالار بويىنشا گرانت­­­تىق ­قارجىلاندىرۋ مەن جە­­ڭىل­دەتىل­گەن نەسيە العان كو­رى­­نەدى.

سونىڭ ءبىرى – راحات قادىربەكوۆ. كاسىپكەر قولداۋ بىلدىرگەن جاندارعا ريزا. ول مەملەكەتكە, زامانىنا, قايى­رىم­دى ادامدارعا, ات ۇستىندەگى ازاماتتارعا ۇنەمى العىس ايتىپ وتىرادى.

الماتى وبلىسى