اۋەسقوي بوكستا الەم جانە ازيا چەمپيونى اتاعىنا قول جەتكىزگەن مەرەي اقشالوۆ مەملەكەتتىك جاتتىقتىرۋشى قىزمەتىنە تاعايىندالدى, دەپ حابارلايدى Egemen.kz.
بۇل تۋرالى الەۋمەتتىك جەلىلەردە مادەنيەت جانە سپورت ءمينيسترى داۋرەن اباەۆ حابارلادى.
«وتكەن اپتادا تانىمال بوكسشى مەرەي اقشالوۆ بوكستان قر مەملەكەتتىك جاتتىقتىرۋشىسى بولىپ تاعايىندالدى. ابىرويلى قىزمەتتە تابىس تىلەيمىن! ەلىمىز ءۇشىن جانە ءار قازاقستاندىق ءۇشىن بوكستىڭ ورنى بولەك. سول ءۇشىن ءاردايىم الەمدىك بوكس باسەكەسىنىڭ الدىڭعى ساپىندا بولۋىمىز كەرەك», دەپ جازدى مينيستر.