ءدال قازىر مەملەكەت باسشىسى قاسىم-جومارت توقاەۆتىڭ توراعالىعىمەن Nur Otan پارتياسىنىڭ كەزەكتەن تىس سەزى ءوتىپ جاتىر. جيىندا پارتيانىڭ ساياسي كەڭەسىنىڭ قۇرامىنا وزگەرىستەر ەنگىزىلدى, دەپ حابارلايدى Egemen.kz.
«سىزدەردىڭ قاراۋلارىڭىزعا پارتيا ساياسي كەڭەسىنىڭ قۇرامىنان پارتيا مۇشەلەرى وسپانبەك السەيىتوۆ پەن نۇرلان نيعماتۋليندى شىعارۋ جانە ولاردىڭ ورنىنان پارتيانىڭ كەلەسى مۇشەلەرىن ەنگىزۋ ۇسىنىلادى: قر پرەمەر-ءمينيسترى ءاليحان سمايىلوۆ, قر پرەزيدەنتى اكىمشىلىگىنىڭ باسشىسى مۇرات نۇرتىلەۋ, «استانا» مەديتسينا ۋنيۆەرسيتەتىنىڭ رەكتورى قامالجان نادىروۆ, حالىقارالىق «قازاق ءتىلى» قوعامىنىڭ ۆيتسە-پرەزيدەنتى ماكسيم روجين», دەدى سەزد بارىسىندا «Nur Otan» پارتياسىنىڭ اتقارۋشى حاتشىسى اسحات ورالوۆ .