ەكى رەسەيلىك ميللياردەر - ميحايل فريدمان مەن ولەگ دەريباسكا ۋكرايناداعى سوعىسقا قارسى شىعىپ, بەيبىتشىلىككە شاقىردى, دەپ حابارلايدى Egemen.kz.
LetterOne ينۆەستيتسيالىق كومپانياسىنىڭ باسشىسى, ۋكراينا تۋماسى ميحايل فريدمان كومپانيا قىزمەتكەرلەرىنە حات جولدادى: «مەن سوعىس ەشقانداي ماسەلەنىڭ شەشىمى بولا المايتىنىنا سەنىمدىمىن» دەپ جازعان ول.
سونىمەن قاتار ول باتىس ۋكراينادا دۇنيەگە كەلگەنىن جانە 17 جاسقا دەيىن سوندا تۇرعانىن, ال اتا-اناسى ءالى كۇنگە دەيىن سۇيىكتى قالاسى لۆوۆتا تۇراتىنىن اتاپ ءوتتى. فريدمان قازىرگى ءسات ۋكراين جانە ورىس حالىقتارى ءۇشىن تراگەديا ەكەنىن جازدى. Forbes نۇسقاسى بويىنشا 15,5 ميلليارد دوللار داۋلەتى بار فريدمان الەمدەگى ەڭ باي ادامدار تىزىمىندە 128-ءشى ورىندا تۇر.
27 اقپان كۇنى تۇستەن كەيىن رەسەيلىك كاسىپكەر ولەگ دەريپاسكا دا ءوزىنىڭ Telegram-ارناسىندا سوعىسقا قارسى پىكىر ءبىلدىردى.
«بەيبىتشىلىك وتە ماڭىزدى! كەلىسسوزدەردى مۇمكىندىگىنشە تەزىرەك باستاۋ كەرەك!», دەدى وليگارح.
ايتا كەتسەك, دەريباسكا - ەڭ ءىرى اليۋميني وندىرۋشىلەردىڭ ءبىرى - رۋسالدىڭ تەڭ دارەجەلى يەسى.
ايانا توعانبەك