مادەنيەت جانە سپورت مينيسترى داۋرەن اباەۆ وقۋشىلاردىڭ مادەنيەتكە دەگەن سۇيىسپەنشىلىگىن وياتۋ ماقساتىندا قانداي ءىس-شارالار جۇرگىزىلىپ جاتقانىن ايتىپ بەردى, دەپ حابارلايدى Egemen.kz.
ول ماجىلىستەگى ۇكىمەت ساعاتىندا ۆەدومستۆو دايىنداعان جاڭا باعدارلاما تۋرالى ايتىپ بەردى.
«بىزدە قازىر مەكتەپ وقۋشىلارىنا ارنالعان تۇتىنۋ قورجىنى بار, ءبىز ونى ۇلعايتقىمىز كەلەدى. ءبىلىم جانە عىلىم مينيسترلىگىمەن بىرگە ءتيىستى ۇسىنىسپەن شىعامىز», دەدى داۋرەن اباەۆ.
ونىڭ ايتۋىنشا, ءار وقۋشىعا مۇراجايلارعا, كونتسەرتتەرگە جانە باسقا دا ءىس-شارالارعا بارا الاتىن ارنايى كارتا بەرىلەدى.
«ەگەر وقۋشى سيمفونيالىق وركەسترگە بارسا, مۇنى مۋزىكا ساباعى رەتىندە, ال مۇراجايلارعا بارسا, مۇنى تاريح ساباقتارىنا قاتىستى دەپ ساناۋعا بولادى», دەپ قوستى داۋرەن اباەۆ.