كەشە الماتىدا ءبىلىم جانە عىلىم مينيسترلىگىنىڭ قولداۋىمەن قازاق ۇلتتىق اگرارلىق ۋنيۆەرسيتەتى مەن حالىقارالىق «گليۋون» (IIC «Gluon», ماسكەۋ, رەسەي) زياتكەرلىك كلۋبى اۋىلدىڭ دارىندى جاستارى اراسىندا «ينتەللەكتۋالدى مارافون» اتتى I حالىقارالىق وليمپياداسىن باستادى.
بۇعان قازاقستان, رەسەي جانە باسقا دا شەت مەملەكەتتەردىڭ مەكتەپ وقۋشىلارى قاتىسۋدا. 30 ناۋرىزعا دەيىن جۇرەتىن جارىستا اۋىلداعى دارىندى جاستاردى انىقتاۋ ارقىلى ولاردىڭ شىعارماشىلىق جانە زياتكەرلىك الەۋەتىن دامىتۋ ماقسات تۇتىلادى.
سونداي-اق بۇل باستاما اۋىلدى جەردەگى مەكتەپ وقۋشىلارىنىڭ اقپاراتتىق-ءبىلىم الۋ ورتاسىن كەڭەيتۋدى, ىزدەنىستىك ەسەپتەردى شەشۋ داعدىلارىن دامىتۋدى, عىلىمي ءبىلىمنىڭ كەڭ تاراۋىنا ىقپال جاساۋدى كوزدەيدى.
ءۇش تۋردان تۇراتىن وليمپيادا جىل سايىن ماتەماتيكا, ينفورماتيكا, حيميا, ەكولوگيا, بيولوگيا, فيزيكا پاندەرى مەن عىلىمي جوبالار بويىنشا كەشەندى تۇردە وتەتىن بولادى. قازاقستاندىق جەڭىمپاز وقۋشىلار قازاق ۇلتتىق اگرارلىق ۋنيۆەرسيتەتىندە وقۋ ءۇشىن وبلىستىق اكىمدىكتىڭ جانە اگرارلىق كاسىپورىندار مەن شارۋاشىلىقتاردىڭ گرانتتارىمەن ماراپاتتالادى.
ايناش ەسالي,
«ەگەمەن قازاقستان».
الماتى.