ءازىربايجان رەسپۋبليكاسىنىڭ قازاقستانداعى ەلشىلىگىنىڭ جانە حالىقارالىق تۇركى اكادەمياسىنىڭ ۇيىمداستىرۋىمەن حودجالى قىرعىنىنىڭ 30 جىلدىعىنا ارنالعان ەسكە الۋ شاراسى ءوتتى, دەپ حابارلايدى Egemen.kz تۇركى اكادەمياسىنىڭ ءباسپاسوز قىزمەتىنە سىلتەمە جاساپ.
ازەربايجان رەسپۋبليكاسىنىڭ قازاقستانداعى ەلشىلىگىندە وتكەن باسقوسۋعا حالىقارالىق تۇركى اكادەمياسىنىڭ پرەزيدەنتى دارحان قىدىرالى, ازىربايجان رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى اتالار اتاموگلانوۆ, تۇركيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ۋفۋك ەكيدجي, حالىقارالىق تۇركى اكادەمياسىنىڭ ۆيتسە-پرەزيدەنتى فيزۋلي مادجيدلي, قازاقستانداعى ديپلوماتيالىق ميسسيا باسشىلارى, مەملەكەت جانە قوعام قايراتكەرلەرى, باق وكىلدەرى مەن قوعام بەلسەندىلەرى قاتىستى.
تاعىلىمدى شاراعا قاتىسۋشىلار وتىز جىل بۇرىن قىرشىننان قيىلعان جۇزدەگەن بوزداقتاردى ەسكە الىپ, جازىقسىز قۇربانداردىڭ رۋحىنا تاعزىم ەتتى.
جيىندا ءسوز سويلەگەن اكادەميا باسشىسى د. قىدىرالى حولوكوست, گولودومور, قازاق دالاسىنداعى اشارشىلىق سىندى ادامزاتقا قارسى جاسالعان كەز كەلگەن الاپات اپاتقا قارسى ەكەندەرىن ايتتى.
«مۇنداي قىلمىستار دۇنيەنىڭ ەش جەرىندە جانە حالىققا قارسى جاسالماۋ ءۇشىن الەمدىك قاۋىمداستىق حودجالى گەنوتسيدىنە ءادىل باعاسىن بەرۋى كەرەك.ء بىز بۇگىن باۋىرلاس ازەربايجاننىڭ ەلشىلىگىندە ءوتىپ جاتقان بۇل شارانى قولداعانىمىزعا شىن جۇرەكتەن قۋانىشتىمىز. حالىقارالىق تۇركى اكادەمياسى گەنوتسيد قىلمىسىن ايىپتايدى جانە مۇنداي قايعىلى وقيعالار ادامزات تاريحىندا ەشقاشان قايتالانباسىن دەپ تىلەيمىن», دەدى د. قىدىرالى.
سونىمەن قاتار, شارا قاتىسۋشىلارعا تۇركى اكادەمياسى ازىرلەگەن «قاراباق: ازەربايجاننىڭ جاۋھارى» جانە «جوعالتقان باقىتىم. قاراباقتىڭ شىنايى وقيعالارى» اتتى كىتاپتار تارتۋ ەتىلدى.