تۇركىستان وبلىسى كەنتاۋ قالاسىنىڭ اكىمى اسا ءىرى كولەمدە پارا الدى دەگەن كۇدىككە ءىلىندى, دەپ حابارلايدى Egemen.kz.
الماتى قالاسى بويىنشا سىبايلاس جەمقورلىققا قارسى قىزمەت تۇركىستان وبلىسى كەنتاۋ قالاسىنىڭ اكىمى داۋرەن ماحاجانوۆقا قاتىستى اسا ءىرى كولەمدە پارا الۋ فاكتىسى بويىنشا سوتقا دەيىنگى تەرگەۋدى باستادى.
«سىبايلاس جەمقورلىققا قارسى قىزمەت تۇركىستان وبلىسى كەنتاۋ قالاسىنىڭ اكىمىن اشكەرەلەدى. ول 2022 جىلعى 23 اقپاندا ءوزىنىڭ سەنىمدى تۇلعالارى ارقىلى مەملەكەتتىك-جەكەشەلىك ارىپتەستىك اياسىندا اتالعان قالادا اۆتوكولىك جولدارىن جوندەۋمەن اينالىساتىن سەرىكتەستىك ديرەكتورىنان 98 500 اقش دوللارى (42 ملن 500 مىڭ تەڭگەگە) سوماسىندا پارا العان» دەپ جازىلعان رەسمي حابارلامادا.
قازىرگى ۋاقىتتا كۇدىكتى سوتتىڭ سانكتسياسىمەن قاماۋعا الىندى. سوتقا دەيىنگى تەرگەۋ جالعاسۋدا.