قىرعىزستان بيلىگى ءوز ازاماتتارىن ۋكراينادان ەۆاكۋاتسيالاۋ جۇمىستارىن قاراستىرۋدا, دەپ جازادى Egemen.kz.
قىرعىزستان بيلىگى ۋكراينا اۋماعىندا جۇرگەن وتانداستارىن ەۆاكۋاتسيالاۋعا شەشىم قابىلدادى. بۇل تۋرالى قىرعىز مەملەكەتىنىڭ ءسىم ءباسپاسوز قىزمەتى حابارلادى.
دەپارتامەنت ۋكرايناداعى جاعدايدىڭ شيەلەنىسۋىنە جانە اۋە شەكارالارىنىڭ جابىلۋىنا بايلانىستى ۋكراينا اۋماعىنان كەتكىسى كەلەتىن وتانداستارىن ەۆاكۋاتسيالاۋ نۇسقالارىن دايىنداي باستاعانىن اتاپ ءوتتى.
قازىرگى ۋاقىتتا ۋكراينادا قىرعىزستاننىڭ 1357 ازاماتى قالىپ قويعان, ولاردىڭ 300-دەن استامى 25 اقپان كۇنى ەلىنە قايتۋعا ءوتىنىش بىلدىرگەن.
ايانا توعانبەك