UFC-دە باق سىناپ جۇرگەن قازاقستاندىق ارالاس جەكپە-جەك شەبەرى جالعاس جۇماعۇلوۆتىڭ كەلەسى جەكپە-جەكتەگى قارسىلاسى انىقتالدى, دەپ حابارلايدى Egemen.kz Sports.kz-كە سىلتەمە جاساپ.
دەرەكتەرگە سەنسەك, قازاق وعلانى كەلەسى كەزدەسۋىن امەريكالىق دجەفف موليناعا قارسى وتكىزەدى. ەكى سپورتشى لاس-ۆەگاستا 4 ماۋسىم كۇنى وتەتىن UFC 275 تۋرنيرىندە وكتاگونعا شىعادى. اقش سپورتشىسى ۇيىمدا ەكى جەكپە-جەك وتكىزىپ, ەكەۋىندە دە قارسىلاستارىنان باسىم تۇسكەن. ال جالعاس جۇماعۇلوۆ بولسا ءتورت مارتە وكتاگونعا شىعىپ, ءبىر قارسىلاسىن جەڭسە, ءۇش مارتە جەڭىلىستىڭ كەرمەك ءدامىن تاتقان بولاتىن.