رەسپۋبليكا بويىنشا وڭىرلەردىڭ ەكسپورتتىق بەلسەندىلىگى 9 ستاتيستيكالىق كورسەتكىش بويىنشا باعالانادى. ەكسپورتتاۋشى ايماقتار قاتارىندا رەيتينگتەگى العاشقى بەستىكتى شىمكەنت قالاسى باستاپ تۇر, دەپ حابارلايدى Egemen.kz.
بۇرىن مەگاپوليستىڭ دايىن ونىمدەرى 6 ەلگە جەتكىزىلەتىن بولسا, قازىر ونىڭ سانى 9-عا ءوستى. وتكەن جىلى گرۋزيا مەن ۋكراينا ەلدەرىنە ترانسفورماتورلار, بەلارۋس مەملەكەتىنە جيھاز بەن توسەك-ورىن جابدىقتارى العاش رەت جەتكىزىلە باستادى.
تاعى ءتورت كورسەتكىش بويىنشا شىمكەنت قالاسى كوشباسشىلار ۇشتىگىنە ەندى. وتكەن جىلى 23 جاڭا دايىن تاۋارلار جانە 5 جاڭا شيكىزات تاۋارلارى ەكسپورتتالدى. قالانىڭ وڭدەۋ ونەركاسىبىندەگى 54 كاسىپورىن تۇراقتى ەكسپورتقا ءونىم شىعارادى. 2021 جىلدىڭ قاڭتار-جەلتوقسان ايىنىڭ قورىتىندىسى بويىنشا شىمكەنت قالاسىنىڭ سىرتقى ساۋدا اينالىمى 1 ملرد 905 ملن اقش دوللار. ونىڭ ىشىندە, ەكسپورت - 573,5 ملن اقش دوللارىن قۇراپ ءتيىستى كەزەڭمەن سالىستىرعاندا 17,3%-عا ءوستى.