2022 جىلعى 1 اقپانداعى جاعداي بويىنشا 78 مىڭ وتباسىنان 399,9 مىڭ ادامعا اتاۋلى الەۋمەتتىك كومەك تاعايىندالدى. بيىل بۇل ماقساتقا بيۋدجەتتەن 87,1 ملرد تەڭگە ءبولىندى, دەپ حابارلايدى Egemen.kz قر ەڭبەك مينيسترلىگىنىڭ ءباسپاسوز قىزمەتىنە سىلتەمە جاساپ.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
بۇدان باسقا, ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرلەرىندە از قامتىلعان وتباسىلاردان شىققان مەكتەپ جاسىنا دەيىنگى بالالاردى كەپىلدەندىرىلگەن الەۋمەتتىك پاكەتپەن قامتاماسىز ەتۋ بويىنشا جۇمىس جۇرگىزىلۋدە.
2022 جىلدىڭ 1 اقپانىنا 1 جاستان 6 جاسقا دەيىنگى ااك الۋشىلار ىشىنەن 100,1 مىڭ بالا ازىق-ت ۇلىك جانە تۇرمىستىق حيميا جيىنتىقتارىمەن قامتىلدى.
ايتا كەتسەك, قاڭتار ايىنداتج رەجيمىنىڭ قولدانىلۋىنا بايلانىستى. 2021 جىلدىڭ 4 توقسانىندا ااك العان ازاماتتارعا تولەمدەر 2022 جىلدىڭ I توقسانىنا اۆتوماتتى تۇردە ۇزارتىلدى. بۇل رەتتە جاڭا الۋشىلار ءۇشىن ەلەكتروندىق ۇكىمەت پورتالى ارقىلى اتاۋلى الەۋمەتتىك كومەك تاعايىنداۋعا ءوتىنىش بەرۋ مۇمكىندىگى ىسكە اسىرىلدى.