دەكلاراتسيالانباعان دوللار

2022 جىلدىڭ قاڭتار ايىندا عانا «جەتىسۋ», «اۋەجاي-استانا», «جىبەك جولى», «قازىعۇرت», «تۇركىستان-كرو-اۋەجاي», «اۋەجاي-شىمكەنت», «اۋەجاي-اقتاۋ» كەدەن بەكەتتەرىندە دەك­ل­اراتسيالانباعان قولما-قول اقشا قارا­جاتتارىن الىپ كەتۋدىڭ 48 فاكتىسى انىق­تالعان. دەكلاراتسيالانباعان قول­ما-قول اقشا قاراجاتتارىنىڭ سوماسى 1 086 618 دوللاردى قۇراعان. ونداي زاڭ بۇزۋشىلىققا جول بەرگەن ازاماتتاردى كەدەن بەكەتتەرىنىڭ قىزمەتكەرلەرى ۇقك شەكارا قىزمەتىنىڭ قىزمەتكەرلەرىمەن بىرلەسىپ ۇستاعان.

جالپى, 2022 جىلدىڭ قاڭتار ايىندا 47 اكىمشىلىك قۇقىق بۇزۋشىلىق تۋرالى ماتەريالدار جاسالعان (تا­ۋار­لار­دى, قولما-قول اقشا قاراجاتىن, اقشا قۇرالدارىن دەكلاراتسيالاماۋ نەمەسە انىق ەمەس كەدەندىك دەكلاراتسيالاۋ, كەدەندىك قۇجاتتارداعى مالى­مەت­تەردى انىق ەمەس مالىمدەۋ), بۇل زاڭ بۇزۋشىلىقتار بويىنشا 1 439 610 تەڭ­گە ايىپپۇل سالىنعان.

الماتى قالاسىندا 2022 جىلدىڭ قاڭتار ايىندا جەكە تۇلعالارعا 26 اكىمشىلىك قۇقىق بۇزۋشىلىق تۋرالى ما­تەريالدار جاسالعان, ول ازاماتتار 165 726 430 تەڭگە, ناقتى ايتقاندا 656 826 دوللاردى دەكلاراتسيالاماستان الىپ وتپەك بولعان, ايىپپ ۇلى – 796 380 تەڭگە.

ماسەلەن, 21 قاڭتاردا الماتى قالا­سىنىڭ حالىقارالىق اۋەجايىندا «ال­ما­تى – ءابۋ-دابي» قاتىناسىنداعى اۋە رەيسىنە كەدەندىك باقىلاۋدى جۇزەگە اسىر­عاننان كەيىن قازاقستان ازاماتى توقتاتىلدى, ونىڭ جەكە تەكسەرۋ بارىسىندا 57 مىڭ دوللار مولشەرىندە قولما-قول اقشا تابىلدى, بۇل ەكۆيۆالەنتتە 24 765 360 تەڭگەنى قۇرادى. اكىمشىلىك قۇقىق بۇزۋشىلىق تۋرالى ماتەريال جاسالىپ, 30 630 تەڭگە كولەمىندە ايىپپۇل سالىندى.

31 قاڭتاردا «الماتى – دۋباي» اۋە رەيسى ارقىلى 99 مىڭ دوللار جانە 18 مىڭ تەڭگە (بۇل 42 949 170 تەڭگەنى شامالايدى) سوماسىندا اقشا قاراجاتىن الىپ وتپەك بولعان قازاقستان ازاماتى توقتاتىلدى. ماتەريال ودان ءارى تەرگەۋ ءۇشىن الماتى قالاسى بويىنشا ەكو­نو­ميكالىق تەرگەۋ دەپارتامەنتىنە بە­رىلدى.

تەك ەلوردادا 2022 جىلدىڭ قاڭتار ايىندا جەكە تۇلعالارعا 11 اكىمشىلىك قۇقىق بۇزۋشىلىق تۋرالى ماتەريالدار جاسالعان, ول ازاماتتار 96 313 257 تەڭگە, ناقتى ايتقاندا 222 512 دوللاردى دەكلاراتسيالاماستان الىپ وتپەك بولعان, ايىپپ ۇلى – 336 930 تەڭگە.

ماسەلەن, «نۇرسۇلتان نازارباەۆ» حالىقارالىق اۋەجايىندا 21 قاڭتاردا «نۇر-سۇلتان – ىستانبۇل – دۋباي» حالىقارالىق اۋە رەيسىمەن ۇشىپ بارا جاتقان جولاۋشىلار كەدەندىك باقىلاۋدان وتكەننەن كە­يىن «اۋەجاي-استانا» كەدەن بەكەتى قىز­مەت­كەر­لە­رى ۇقك شەكارا قىزمەتىنىڭ قىزمەت­كەر­لەرىمەن بىر­لەسىپ قازاقستان ازا­ما­تىن ۇستادى. ۇستاۋ كەزىن­دە 40 مىڭ دوللار سوماسىنداعى دەك­لارا­تسيا­­لان­با­عان اقشا قاراجاتى انىق­تال­دى. 25 قاڭ­تاردا 45 765 دوللار سوما­سىن­داعى دەكلاراتسيالانباعان اقشا قارا­جاتىن الىپ وتپەك بولعان قازاق­ستان ازاماتتارى ۇستالعان. ال 28 قاڭ­تاردا 38 مىڭ دوللار سوماسىنداعى دەكلاراتسيالانباعان اقشا قاراجاتىن الىپ وتپەك بولعان تاعى ءبىر قازاقستان ازاماتى ۇستالعان.

تۇركىستان وبلىسىندا شەتەل ۆاليۋ­تا­سىن زاڭسىز اكەتۋدىڭ 7 فاكتىسىنىڭ جولى كەسىلدى. زاڭ بۇزۋشىلار 170 750 دول­لاردى الىپ وتپەك بولعانى ءۇشىن 214 410 تەڭگە مولشەرىندەگى ايىپپۇل ار­قا­لادى.

قازاقستان-وزبەكستان باعىتىندا 5-12 قاڭتار ارالىعىندا «جىبەك جولى» كەدەن بەكەتىندە جالپى سوماسى 121 050 دوللاردى الىپ ءوتۋدىڭ 4 فاكتىسى انىق­تال­دى: 5 قاڭتاردا 39 500 جانە 45 400 دوللاردى الىپ وتپەك بولعان 2 ازامات ۇستالدى, 11 جانە 12 قاڭتاردا 25 800 جانە 10 350 دوللاردى الىپ وتپەك بول­عان 2 ازامات ۇستالدى.

قازاقستان-وزبەكستان باعىتىندا 3-26 قاڭتار ارالىعىندا «قازىعۇرت» كەدەن بەكەتىندە جالپى سوماسى 37 200 دوللاردى الىپ ءوتۋدىڭ 2 فاكتىسى انىق­تال­دى, 61 260 تەڭگە ايىپپۇل سالىندى.

28 قاڭتاردا تۇركىستان – ىستانبۇل رەيسى, «تۇركىستان-كرو-اۋەجاي» كەدەن بەكەتىندە 12 500 دوللاردى الىپ وتپەك بولعان ەر ادام ۇستالعان.

«اقتاۋ» حالىقارالىق اۋەجايىندا «اۋەجاي-اقتاۋ» كەدەن بەكەتىنىڭ قىز­مەتكەرلەرى ۇقك شەكارا قىزمەتىنىڭ قىزمەتكەرلەرىمەن بىرلەسىپ, 15 650 دوللار سوماسىنداعى شەتەل ۆاليۋتاسىن «اقتاۋ-كۋتايسي» رەيسى ارقىلى كونتراباندالىق جولمەن الىپ كەتۋگە تىرىسقان ەر ادامدى ۇستادى. 31 قاڭ­تار­دا «اقتاۋ-دۋباي» رەيسى ارقىلى كەت­پەك­شى بولعان 1987 جىلى تۋعان ازاماتتان جاريالانباعان 10 700 دوللار تابىلدى. ەكى دەرەك بويىنشا قر اقبتك-ءنىڭ 551-بابىنىڭ 3-بولىگى بويىنشا اكىمشىلىك ءىس قوزعالدى (تاۋارلاردى, قولما-قول اقشا قاراجاتىن, اقشا قۇ­رال­دارىن دەكلاراتسيالاماۋ نەمەسە انىق ەمەس كەدەندىك دەكلاراتسيالاۋ, كە­دەن­­­دىك قۇجاتتاردا مالىمەتتەردى انىق ەمەس مالىمدەۋ) جانە 10 اەك مولشە­رىن­­دە ايىپپۇل سالىندى. اقشا يەلەرىنە قاي­تارىلدى.

شىمكەنتتە 18 قاڭتاردا «شىمكەنت – ىستانبۇل» باعىتىنداعى اۋە رەي­سى­مەن قازاقستان ازاماتى 10 180 دول­لار سوماسىنداعى قولما-قول اقشا قا­را­جاتىن دەكلاراتسيالاماۋ فاكتىسى انىق­تا­لىپ, 30 630 تەڭگە ايىپپۇل سالىنعان.

مەملەكەتتىك كىرىستەر كوميتەتى «قا­زاق­­ستان رەسپۋبليكاسىنداعى كەدەن­دىك رەتتەۋ تۋرالى» قازاقستان رەس­پۋب­ليكاسى كودەكسىنىڭ 343-بابى 1-تارما­عىنىڭ 7) تارماقشاسىندا قولما-قول اقشا قاراجاتى كەدەندىك دەكلارا­تسيا­لاۋعا جاتاتىنىن ەسكە سالادى.

كەدەندىك دەكلاراتسيالاۋدى جۇزەگە اسىرۋ وتكىزىلەتىن قولما-قول اقشانىڭ جانە جول چەكتەرىنىڭ شىعۋ تەگى جانە ماقساتى تۋرالى مالىمەتتەردى كورسەتە وتى­رىپ, اكەلىنەتىن نەمەسە اكەتىلەتىن قولما-قول شەتەل ۆاليۋتاسىنىڭ, قولما-قول ۇلتتىق ۆاليۋتانىڭ جانە جول چەك­تە­رىنىڭ بارلىق سوماسىنا جازباشا نى­ساندا كەدەندىك دەكلاراتسيا بەرۋ ارقىلى جۇرگىزىلەدى.

بۇدان باسقا, تاۋارلاردى كەدەندىك دەكلاراتسيالاۋ كەزىندە جەكە تۇلعالار 10 مىڭ دوللار بالاماسىنا تەڭ نەمەسە ودان اسپايتىن جالپى سوماداعى قولما-قول شەتەل ۆاليۋتاسىن جانە (نە­مەسە) قولما-قول ۇلتتىق ۆاليۋتانى (باعالى مەتالداردان جاسالعان مونەتالاردى قوسپاعاندا) جانە جول چەكتەرىن كەدەندىك دەكلاراتسياسىز قازاقستانعا اكەلۋگە نەمەسە قازاقستاننان اكەتۋگە قۇقىلى.