ارمەنيا دونەتسك جانە لۋگانسك حالىق رەسپۋبليكالارىن مويىندامايتىنىن ايتتى, دەپ حابارلايدى Egemen.kz.
بۇل تۋرالى ارمەنيا ءسىم ءباسپاسوز حاتشىسى ۆاان ۋنانيان مالىمدەدى.
«مۇنداي ماسەلە كۇن تارتىبىندە جوق», دەدى ول.
ۆاان ۋنانيان, رەسەي مەن ۋكراينانىڭ اراسىنداعى قازىرگى ماسەلەلەر حالىقارالىق قۇقىقتىڭ نورمالارى مەن قاعيداتتارى جانە بۇۇ جارعىسى نەگىزىندە ديپلوماتيالىق ديالوگ پەن كەلىسسوزدەر ارقىلى شەشىلگەنىن قالايتىنىن اتاپ ءوتتى.
«شيەلەنىستى ازايتۋ جانە جاعدايدى بەيبىت جولمەن شەشۋ ءۇشىن قاجەتتى قادامدار جاسالادى دەپ ۇمىتتەنەمىز», دەپ تۇيىندەدى ءسوزىن ارمەنيانىڭ ءسىم وكىلى.
بۇعان دەيىن رەسەي مەملەكەتتىك دۋماسىنىڭ سپيكەرى ۆياچەسلاۆ ۆولودين رەسەيدىڭ دونباستاعى شەشىمىن كۋبا, ۆەنەسۋەلا جانە نيكاراگۋا قولداعانىن, ال ەگەر باسقا ەلدەر قولداماسا, وندا بۇل ءىستىڭ سوڭى ناشار اياقتالاتىنىن ايتقان ەدى.
توعانبەك ايانا,ەۇۋ ستۋدەنتى