بالالار تاعامىن تەگىن الۋعا كىمدەردىڭ قۇقىعى بار ەكەندىگىن بىلۋگە بولا ما؟ بالالار تاعامىن بەرۋ قانداي بەلگىلەر بويىنشا انىقتالادى؟ جۇكتى ايەلدەرگە تەگىن پرەپاراتتار بەرىلە مە؟ قانت ديابەتىندە, گەپاتيتتە, برونح دەمىكپەسىندە, ارتەريالىق گيپەرتەنزيادا قانداي تەگىن دارىلەر جازدىرىلىپ بەرىلەدى؟ بالالار ءۇشىن قانداي دارىلىك پرەپاراتتاردى جانە قانداي اۋرۋلاردا تەگىن الۋعا بولادى؟ ءدارى-دارمەك اقپاراتتىق تالداۋ ورتالىعىنىڭ (داتو) Call-قىزمەتىنىڭ تەلەفونىنا حالىقتان كۇن سايىن وسى جانە باسقا دا سۇراقتار ۇزدىكسىز تۇسەدى.
وسىمەن 5 جىل بويى داتو ماماندارى حالىققا جانە مەديتسينا قىزمەتكەرلەرىنە دارىلىك زاتتاردى دۇرىس پايدالانۋ جانە ولاردىڭ اسەرى تۋرالى, سونداي-اق تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە تەگىن پرەپاراتتارعا ازاماتتاردىڭ قۇقىعى تۋرالى شىنايى اقپارات بەرىپ كەلەدى.
ءاربىر ادام تمككك شەڭبەرىندە مەديتسينالىق كومەك الۋعا ءوز قۇقىعىن ءبىلۋى ءتيىس. مىسالى, ەگەر ازامات ديسپانسەرلىك ەسەپتە تۇرعان بولسا, وندا ول دارىگەردىڭ رەتسەپتىمەن ءدارىحانادان دارىلىك زاتتاردى تەگىن الا الادى. بۇل رەتتە دارىلىك زاتتاردىڭ ءتىزىمى ۇنەمى جاڭارتىلىپ جانە جەتىلدىرىلىپ تۇرادى. وسىلايشا, وتكەن جىلدىڭ جەلتوقسان ايىندا تىزىمگە تيىمدىلىگى دالەلدەنگەن پرەپاراتتار قوسىلدى.
سونداي-اق, تەگىن پرەپاراتتار الۋعا قۇقىلى حالىق ساناتى كەڭەيتىلدى. قانت ديابەتى, وكپەنىڭ قابىنۋى (0-دەن 18 جاسقا دەيىنگى بالالار ەنگىزىلگەن), برونح دەمىكپەسى (18 جاسقا دەيىنگى بالالار ەنگىزىلگەن) سياقتى اۋرۋلارى بار ازاماتتار تەگىن دارىلىك زاتتاردى الۋعا قۇقىلى. قانت ديابەتى, وكپەنىڭ قابىنۋى, برونح دەمىكپەسى سياقتى اۋرۋلارى بار ازاماتتار تەگىن دارىلىك زاتتار الۋعا قۇقىلى.
داتو «سالاماتتى قازاقستان» دەنساۋلىق ساقتاۋدى دامىتۋدىڭ مەملەكەتتىك باعدارلاماسى شەڭبەرىندە حالىقارالىق قايتا قۇرۋ جانە دامۋ بانكىمەن بىرگە دەنساۋلىق ساقتاۋ مينيسترلىگىنىڭ باسشىلىعىمەن قۇرىلعان. بۇگىنگى تاڭدا داتو استانا قالاسىندا نەگىزدەلگەن جانە رەسپۋبليكانىڭ بارلىق وڭىرلەرىندە 15 ايماقتىق بولىمدەرى بار.
داتو باسشىسى ايسۇلۋ احيموۆا, ءدارى-دارمەك اقپاراتتىق ورتالىعىنىڭ باستى ميسسياسى بارلىق دەنساۋلىق ساقتاۋ جۇيەسىنىڭ ميسسياسىنا سايكەس كەلەتىندىگىن اتاپ ءوتتى. بۇل دەگەنىمىز, ورتالىقتىڭ نەگىزگى ميسسياسى – حالىقتىڭ دەنساۋلىعىن جاقسارتۋ. ورتالىقتىڭ نەگىزگى مىندەتتەرىنىڭ ءبىرى – ەمدەۋدىڭ حالىقارالىق ستاندارتتارىنا نەگىزدەلگەن, دارىلىك زاتتاردى ۇتىمدى پايدالانۋ تۋرالى اقيقات اقپاراتتى حالىققا جانە مەديتسينا جۇرتشىلىعىنا جەتكىزۋ.
ءبىزدىڭ ورتالىقتىڭ جۇمىسى جايلى قازاقستاندىقتار دا, شەتەل ماماندارى دا جاعىمدى پىكىرلەر ايتۋدا. 2013 جىلعى مامىر ايىندا دۇنيەجۇزىلىك بانكتىڭ حالىقارالىق ساراپشىسى, دوكتور اندرەس زايتەر, قازاقستانداعى داتو جۇمىسىن جوعارى باعالادى. ول «ءدارى-دارمەك اقپاراتتىق تالداۋ ورتالىعى جانە ونىڭ جالپى ۇلتتىق تەگىن ساll-قىزمەتى حالىقتى اقپاراتتاندىرۋدا ءبىرشاما جەتىستىكتەرگە جەتتى… بۇل ورتالىقتىڭ قۇرىلعان كەزەڭىنەن باستاپ جۇرگىزگەن كورنەكتى جۇمىستاردىڭ ناتيجەسى ەكەنىن دالەلدەيدى...», دەدى ساراپشى.
حالىقتىڭ دارىلىك ساۋاتىن كوتەرۋ ماقساتىندا 2011 جىلدان باستاپ حالىققا ارنالعان بىرىڭعاي تەلەفون جەلىسىنىڭ – 8 800 080 88 87 قۇرىلعانىن ەستەرىڭىزگە سالامىز. قازاقستان بويىنشا كەز كەلگەن ستاتسيونار تەلەفوننان قوڭىراۋ شالۋ تەگىن.
حالىققا ىڭعايلى بولۋى ءۇشىن داتو-نىڭ Call-قىزمەتىنىڭ تىكەلەي تەلەفوندارى قازاقستاننىڭ بارلىق قالالارىندا قولجەتىمدى. بۇل دەگەنىمىز, ەگەر ءسىز قالادا نەمەسە جەكەلەگەن اۋداندا تۇراتىن بولساڭىز, وندا ءبىزدىڭ ءنومىرىمىزدى الۋ ءۇشىن قالاارالىق بايلانىس كودىن تەرۋدىڭ قاجەتى جوق. جاي عانا 8 800 080 88 87 ءنومىرىن تەرەسىز.
Call-قىزمەتىنە حابارلاسىپ ءسىز دارىلىك زاتتاردى دۇرىس پايدالانۋ تۋرالى, تەگىن دارىمەن قامتاماسىز ەتۋگە ءاربىر ادامنىڭ قۇقىعى جانە بولۋى مۇمكىن جاناما اسەرلەر تۋرالى تولىق جانە شىنايى اقپارات الاسىز.
حالىقتىڭ داتو ماماندارىنا دەگەن سەنىمى ارتىپ كەلەدى. وسىلايشا, 2012 جىلمەن سالىستىرعاندا حالىقتان كەلىپ تۇسكەن قوڭىراۋلاردىڭ سانى 1,2 ەسە ءوستى, كوپشىلىك اراسىندا دارىلىك زاتتار تۋرالى شىنايى اقپارات الۋعا سۇرانىستىڭ كوبەيۋى وسىعان دالەل بولادى.
قازىرگى تاڭدا داتو اقپاراتتىڭ زور اعىمىن باق-تا جاريالايدى. تەك 2014 جىلدىڭ اعىمداعى كەزەڭىندە داتو مەرزىمدى باسىلىمداردا 200-دەن استام جاريالانىمدى جارىققا شىعاردى. ءبىزدىڭ ماماندارىمىز تەلەارنالار مەن راديولاردىڭ ءتۇرلى باعدالامالارىنا بىرنەشە رەت قاتىستى.
ءبىر وكىنىشتىسى, ادامداردىڭ دەنى ءوز دەنساۋلىقتارىنا كوڭىل ءبولۋ جانە نىعايتۋدى ماڭىزدى دەپ سانامايدى.
ريم فيلوسوفى سەنەكا ايتقانداي: «ساۋىعۋدىڭ ءبىر امالى – وعان دەگەن ىقىلاس. ەگەر ءسىزدىڭ ىقىلاسىڭىز ارەكەتتەرىڭىزدەن كورىنبەسە, وندا دارىگەردىڭ جۇمساعان بۇكىل كۇشى تەككە كەتەدى».
وسىعان وراي, داتو رەسپۋبليكالىق دەڭگەيدە ەكى جىل قاتارىنان «ۇزدىك ەمدەلۋشى» بايقاۋىن وتكىزىپ كەلەدى. بايقاۋدىڭ باستى ماقساتى – حالىقتىڭ ءوز دەنساۋلىعىنا دەگەن ورتاق جاۋاپكەرشىلىگىن ارتتىرۋ. وسىلايشا, 2013 جىلعى بايقاۋ جەڭىمپازدارى اقمولا وبلىسىنان قىمبات دوسماعامبەتوۆا, استانا قالاسىنان قانيپا بولامباەۆا, جامبىل وبلىسىنان الەكساندر گەردت اتاندى. ولار ديسپانسەرلىك بايقاۋ كەزەڭىندە ءوز دەنساۋلىقتارىن جاقسارتۋعا مول ۇلەس قوسقان جەڭىمپازدار. بايقاۋعا قاتىسۋشىلار ەمدەلۋ بارىسىندا, سپورتپەن بەلسەندى تۇردە شۇعىلدانا بىلگەن, دارىگەردىڭ نۇسقاۋلارىن بۇلجىتپاي ورىنداعان, تاماقتانۋ رەجىمىن جانە ديەتا ساقتاعان, قانت دەڭگەيىن تۇراقتاندىرىپ, ارتەريالىق قىسىمدى تومەندەتكەن.
اعىمداعى جىلى دەنساۋلىق ساقتاۋ مينيسترلىگىنىڭ «دەنساۋلىق ساقتاۋدى دامىتۋ رەسپۋبليكالىق ورتالىعى» رمك ورتالىقتىڭ قىزمەتىن باق-تا ۇزدىك ناسيحاتتاعان تىلشىلەردىڭ اراسىندا ءبىرىنشى سايىس وتكىزەتىندىگىن اتاپ وتكىمىز كەلەدى. سايىستىڭ ماقساتى – جۇرتشىلىقتىڭ داتو قىزمەتىنە دەگەن قىزىعۋشىلىعىن ارتتىرۋ جانە دارىلىك زاتتاردى دۇرىس پايدالانۋ تۋرالى حالىقتى كاسىبي دەڭگەيدە اقپاراتتاندىرۋ بولىپ تابىلادى.
سايىس 2014 جىلعى ناۋرىز ايىنىڭ 15-ىنەن باستاپ ماۋسىمنىڭ 1-ىنە دەيىنگى ارالىقتا كەلەسى نوميناتسيالار بويىنشا وتكىزىلەدى: «ۇزدىك اۆتور», «ۇزدىك تەلەتىلشى», «ۇزدىك ءراديوتىلشى». سايىس جەڭىمپازدارى ديپلومدارمەن جانە اقشالاي سىيلىقتارمەن ماراپاتتالادى. سايىسقا قاتىسۋ شارتتارى تۋرالى قوسىمشا اقپاراتتى داتو-نىڭ www.druginfo.kz سايتىنان تابا الاسىزدار.
ءدارى-دارمەك اقپاراتتىق تالداۋ ورتالىعىنىڭ كەلەشەكتە حالىقتىڭ اراسىندا تانىمالدىعى ودان ءارى ارتا تۇسەدى جانە دارىلىك زاتتاردى دۇرىس پايدالانۋ جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ازاماتتاردىڭ قۇقىعى تۋرالى شىنايى اقپارات الۋدا تاپتىرمايتىن كومەكشى بولاتىندىعىنا سەنەمىز.
قۇرمەتتى قازاقستاندىقتار, ءوز ومىرلەرىڭىزدى, ءوز دەنساۋلىقتارىڭىزدى جانە جاقىندارىڭىزدىڭ دەنساۋلىعىن باعالاي بىلىڭىزدەر!
ءبىزدىڭ كومەگىمىز سىزدەر ءۇشىن!
«دەنساۋلىق ساقتاۋدى دامىتۋ رەسپۋبليكالىق ورتالىعى»
رمك-نىڭ ءدارى-دارمەك اقپاراتتىق تالداۋ ورتالىعى.
بايلانىس تەلەفونى: 8/7172/47-62-04
www.druginfo.kz