رەسەي پرەزيدەنتى ۆلاديمير پۋتين قاۋىپسىزدىك كەڭەسىنىڭ جوسپاردان تىس وتىرىسىن وتكىزەدى. بۇل تۋرالى ونىڭ ءباسپاسوز حاتشىسى دميتري پەسكوۆ مالىمدەدى, دەپ حابارلايدى Egemen.kz ريا نوۆوستيگە سىلتەمە جاساپ.
كرەمل وكىلى ءپۋتيننىڭ ءسوزى اشىق رەجيمدە كورسەتىلەتىنىن مالىمدەدى. پەسكوۆ كەيىنىرەك ەسەپ بەرۋگە ۋادە بەرىپ, كەزدەسۋ تاقىرىبىن ايتۋدان باس تارتقان.
«دۇيسەنبىدە وتەتىن قاۋىپسىزدىك كەڭەسىنىڭ وتىرىسى توتەنشە نەمەسە كەزەكتى وتىرىس پا دەگەن سۇراققا ول: «جوق, بۇل كەزەكتى وتىرىس ەمەس», دەپ جاۋاپ بەرگەن.
ونىڭ ايتۋىنشا, پۋتين بۇگىن تەلەفون ارقىلى بىرنەشە حالىقارالىق اڭگىمە جۇرگىزەدى.
ايتا كەتەيىك, 20 اقپاندا فرانتسيا پرەزيدەنتى ەممانۋەل ماكرون ۆلاديمير پۋتينمەن تەلەفون ارقىلى سويلەسكەن بولاتىن. تاراپتار «نورماند فورماتىندا» كەزدەسۋگە كەلىسكەن. وسىدان كەيىن ماكرون ۋكراينا مەن اقش پرەزيدەنتتەرى ۆلاديمير زەلەنسكي مەن دجو بايدەنگە, ودان كەيىن پۋتينگە تاعى تەلەفون سوقتى. 21 اقپانعا قاراعان ءتۇنى بايدەن مەن ءپۋتيننىڭ سامميتكە قاتىسۋعا كەلىسكەنى بەلگىلى بولدى.