باتىس قازاقستان وبلىسىندا قار قۇرساۋىندا قالعان 12 ادام قۇتقارىلدى, دەپ حابارلايدى Egemen.kz.
بقو توتەنشە جاعدايلار دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي, وقيعا 20 اقپان كۇنى تۇستە شىڭعىرلاۋ اۋدانى اۋماعىندا بولدى. ساعات 12.58-دە اقتاۋ اۋىلى ماڭىندا ءۇش اۆتوكولىك باتىپ, قار قۇرساۋىنان شىعا الماعان.
وقيعا ورنىنا №23 ءورت ءسوندىرۋ بەكەتىنىڭ قىزمەتكەرلەرى مەن قاتار «ەرنار» شارۋا قوجالىعىنان 2 ادام 1 تەحنيكامەن بارىپ, قولۇشىن سوزدى. ادامدار مەن ءۇش اۆتوكولىك شىڭعىرلاۋ اۋىلىنداعى جىلىتۋ پۋنكتىنە جەتكىزىلدى. 12 ادام قۇتقارىلسا, سونىڭ جەتەۋى – بالالار.