مەملەكەت باسشىسى قاسىم-جومارت توقاەۆ Qazaqstan ارناسىنا بەرگەن سۇحباتىندا تۇڭعىش پرەزيدەنتكە قاتىستى زاڭدار جايلى پىكىر ءبىلدىردى, دەپ حابارلايدى Egemen.kz.
جاقىندا مەملەكەت باسشىسى تۇڭعىش پرەزيدەنت تۋرالى زاڭعا ەنگىزىلگەن وزگەرتۋلەرگە قول قويدى. وسىلايشا, قاۋىپسىزدىك كەڭەسى مەن قازاقستان حالقى اسسامبلەياسىن ءومىر بويى باسقارۋ سياقتى ەلباسىنىڭ بىرقاتار وكىلەتتىلىگى توقتاتىلدى.
«بۇرىن وسىنداي زاڭدار قابىلداندى, قازىرگى تاڭدا ولاردىڭ قاجەتتىلىگى شامالى. ونى اشىق ايتۋ كەرەك. كەلەشەكتە وسىنداي زاڭدار قابىلداۋدىڭ قاجەتى جوق دەپ ەسەپتەيمىن. بۇرىن ولقىلىقتار بولسا دا, بۇل – ءبىزدىڭ تاريحىمىز. ءبارىمىز تاريحتان ساباق الۋىمىز كەرەك. ءبىزدىڭ ماقساتىمىز – ەلىمىزدىڭ بولاشاعى, وسكەلەڭ ۇرپاقتىڭ قامى تۋرالى ويلاۋ. باسقا ءسوز جوق», دەدى قاسىم-جومارت توقاەۆ ءوز سوزىندە.