شىعىس قازاقستان وبلىسى گلۋبوكوە اۋدانىنداعى ۇش ەلدى مەكەندى سۋ الا باستاعانى بەلگىلى بولدى. بۇل تۋرالى YK-news حابارلادى.
پورتالدىڭ مالىمەتىنشە, كۇننىڭ كۇرت جىلىپ كەتۋى سالدارىنان گلۋبوچانكا اتتى وزەننىڭ دەڭگەيى بىردەن جوعارى كوتەرىلىپ, ارناسىنان اسىپ كەتكەن. اۋداننىڭ بەلوۋسوۆكا, پروگرەسس جانە گلۋبوكوە ەلدى مەكەندەرى ارقىلى وتەتىن وزەن ولارعا قاۋىپ توندىرگەن. مۇنىڭ سوڭى وسى سەلولاردى سۋ باسۋىنا اپارىپ سوقتىرعان.
«كۇن كۇرت جىلىپ, قار لەزدە ەري باستاعاننان كەيىن بەلوۋسوۆكادا - 8 ءۇيدى, گلۋبوكوەدا - 6 ءۇيدى, ال پراپورششيكوۆو ەلدى مەكەنىندە 16 ءۇيدى سۋ باستى», - دەلىنگەن رەسمي حابارلامادا.
قازىرگى تاڭدا گلۋبوكوە اۋداندىق اكىمدىگى كوكتەمگى سۋ تاسقىنىنا قارسى شارالارعا 6 ميلليون تەڭگە ءبولىپ وتىر. ول اقشاعا وزەن جاعاسىن كۇشەيتۋ جانە جەكە ۇيلەردىڭ اۋلاسىنداعى سۋدى شىعارۋ جۇمىستارى جۇرگىزىلەدى.
مۇرات ايتقوجا.
دەرەككوز: YK-news.