مەملەكەت باسشىسى Qazaqstan تەلەارناسىنا بەرگەن سۇحباتى كەزىندە ەلدەگى بولىپ جاتقان كادرلىق وزگەرىستەرگە توقتالدى, دەپ حابارلايدى Egemen.kz.
– جالپى ايتقاندا, كادرلىق اۋىس-ءتۇيىس – ۇزدىكسىز جالعاسا بەرەتىن ۇدەرىس. لاۋازىم ماڭگىلىك دۇنيە ەمەس. جۇمىستىڭ جاڭا تالابىنا يكەمدەلە الماعان ادامدار قىزمەتتەن كەتۋگە ءماجبۇر بولادى. ولاردىڭ ورنىن جاڭا كادرلار باسادى. اكىمنىڭ ءبارىن اۋىستىرۋ مەنىڭ نەگىزگى ماقساتىم ەمەس. اكىمدەردىڭ جۇمىسىنا جان-جاقتى تالداۋ جاسالادى. نەگىزگى تالاپ – ازاماتتاردىڭ ءال-اۋقاتىن ارتتىرۋ. سوندىقتان قاجەتتىلىك بولسا, ءتيىستى كادرلىق شەشىمدەردى قابىلدايمىن, – دەدى پرەزيدەنت.
سونداي-اق قاسىم-جومارت توقاەۆ الداعى ۋاقىتتا مىندەتتى تۇردە وزگەرىستەر بولاتىنىن ايتتى.
– مەن 2020 جىلى حالىققا جولداۋىمدا العاش رەت اۋىل اكىمدەرىن سايلاۋ تۋرالى ايتتىم. كوپ ۇزاماي اۋىل اكىمدەرىن سايلادىق. بىلتىرعى جولداۋىمدا «كەلەسى قادام – اۋدان اكىمدەرىنىڭ سايلاۋى» دەپ ايتتىم. ونى 2024 جىلى وتكىزەمىز. بالكىم, پيلوتتىق جوبا رەتىندە كەلەسى جىلدان باستاساق, ورىندى بولار, – دەدى مەملەكەت باسشىسى.