قازاقستاندا تاعى ءبىر مەرەكەلىك كۇن پايدا بولادى. ەڭبەك جانە حالىقتى الەۋمەتتىك قورعاۋ مينيسترلىگى قازاقستان رەسپۋبليكاسىنداعى مەرەكەلىك كۇندەر تىزىمىنە تولىقتىرۋلار ەنگىزدى, دەپ حابارلايدى Egemen.kz.
وسىلايشا, قازاقستانداعى مەرەكەلىك كۇندەر تىزىمىندە 18 قاراشا - ۇلى قونىس اۋدارۋ كۇنى پايدا بولدى.
تۇسىندىرىلگەندەي, بۇل تولىقتىرۋ 2021 جىلعى 16 قاراشادا قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىنىڭ التىنشى وتىرىسىندا قر پرەزيدەنتى قاسىم-جومارت توقاەۆتىڭ بەرگەن تاپسىرمالارى شەڭبەرىندە ەنگىزىلەدى.
قۇجات جوباسى 3 ناۋرىزعا دەيىن جاريا تالقىلاۋ ءۇشىن «اشىق نقا» سايتىندا ورنالاستىرىلعان.