الماتى قالاسى بويىنشا قارجى مونيتورينگى اگەنتتىگىنىڭ اۋماقتىق دەپارتامەنتى «Qamqor» جەدەل الدىن الۋ ءىس-شاراسى اياسىندا «دەمەۋ» الەۋمەتتىك قىزمەت ورتالىعىنىڭ قىزمەتكەرلەرىنە قاتىستى سوتقا دەيىنگى تەرگەۋدى اياقتادى, دەپ حابارلايدى Egemen.kz.
«Qamqor» جەدەل الدىن الۋ شاراسى اياسىندا الماتى قالاسى ءبىلىم باسقارماسىنىڭ «دەمەۋ» الەۋمەتتىك قىزمەت كورسەتۋ ورتالىعى» كمم 18 جاستان اسقان پسيحونەۆرولوگيالىق اۋرۋلارى بار ادامدارعا ارنالعان مەديتسينالىق-الەۋمەتتىك مەكەمەنىڭ باس بۋحگالتەرى مەن قىزمەتكەرىنە قاتىستى سوتقا دەيىنگى تەرگەۋ اياقتالدى», دەلىنگەن قر قما حابارلاماسىندا.
تەرگەۋ ايىپتالۋشىلارعا قاتىستى پسيحونەۆرولوگيالىق اۋرۋلارى بار ادامداردى ۇستاۋعا جانە وڭالتۋعا بولىنگەن بيۋدجەت قاراجاتىن جىمقىرعانى ءۇشىن ايىپ تاعىلدى.
«سوتقا دەيىنگى تەرگەۋ بارىسىندا ۇرلانعان اقشا تولىق كولەمدە وتەلدى. سوت ۇكىمىمەن ايىپتالۋشىلار سوتتالىپ, ولارعا ەكى جىلدان ءۇش جىلعا دەيىن باس بوستاندىعىن شەكتەۋ جازاسى تاعايىندالدى», دەپ قوستى قر قما ءباسپاسوز قىزمەتى.