ەلوردا تۇتىنۋشىلارىنىڭ شاعىمى نەگىزىندە, قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ نۇر-سۇلتان قالاسى بويىنشا دەپارتامەنتى «استاناەنەرگوسبىت» جشس جانە «استانا – اەك» اق-نا قاتىستى اعىمداعى جىلعى تۇبىرتەكتەردە كورسەتىلگەن ەلەكتر ەنەرگياسى ءۇشىن تولەم سومالارىن ەسەپتەۋدىڭ نەگىزدىلىگى بولىگىندە جوسپاردان تىس تەكسەرۋ تاعايىندادى, دەپ حابارلايدى Egemen.kz.
قر ۇەم تابيعي مونوپوليالاردى رەتتەۋ كوميتەتىنىڭ نۇر-سۇلتان قالاسى بويىنشا دەپارتامەنتى تابيعي مونوپوليالار سالاسىنا جاتقىزىلعان قىزمەتتى باقىلاۋ مەن رەتتەۋدى جۇزەگە اسىراتىن قازاقستان رەسپۋبليكاسىنىڭ مەملەكەتتىك ورگانى بولىپ سانالادى.
وسىعان بايلانىستى, تابيعي مونوپوليالار سۋبەكتىلەرىنىڭ ءىس-ارەكەتتەرىمەن كەلىسپەگەن جاعدايدا, اتاپ ايتقاندا كوممۋنالدىق قىزمەتتەر بويىنشا تولەم سومالارى جوعارى تۇبىرتەك كەلىپ تۇسكەن كەزدە, ەلوردانىڭ ءاربىر تۇرعىنى تمركد-نىڭ اتىنا: نۇر-سۇلتان قالاسى, پەتروۆ كوشەسى, 5 مەكەنجايى بويىنشا نەمەسە k.kense@economy.gov.kz. e-mail ءوتىنىش بەرۋگە قۇقىلى.