«بۇل جوعارى كورسەتكىش». مەملەكەت باسشىسى ابزال اجىعاليەۆكە قولداۋ ءبىلدىردى

«قازاقستاندىقتار ءوزىڭنىڭ «بەيجىڭ-2022» XXIV قىسقى وليمپيادا ويىندارىندا كورسەتكەن ونەرىڭدى اسقان قىزىعۋشىلىقپەن تاماشالادى. وليمپيادانىڭ اشىلۋ سالتاناتىندا كوك تۋدى جەلبىرەتىپ الىپ شىقتىڭ. ءوز جانكۇيەرلەرىڭنىڭ سەنىمىن اقتاپ, شورت-ترەكتەن 500 مەترگە جۇگىرۋدە فينالدىق باسەكەگە دەيىن جەتىپ, ناتيجەسىندە 4-ورىن يەلەندىڭ. بۇل وسى سپورت سالاسى بويىنشا جوعارى كورسەتكىش ەكەنى انىق», دەلىنگەن مەملەكەت باسشىسىنىڭ جەدەلحاتىندا.   قاسىم-جومارت توقاەۆ سپورتشىعا ءدۇبىرلى دودادا ناعىز ەرىك-جىگەر كورسەتكەنى جانە جەڭىسكە دەگەن ۇمتىلىسى ءۇشىن العىس ايتتى. سونداي-اق ونىڭ الداعى ۋاقىتتا ۇلكەن جەتىستىكتەرگە جەتىپ, وتانداستارىمىزدى قۋانتا بەرەتىنىنە سەنىم ءبىلدىردى.