قازاقستاننىڭ ءبىرىنشى, الەمنىڭ 31-راكەتكاسى الەكساندر بۋبليك جەكەلەي سىندا دوحا ATP 250 ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz.
جارىستىڭ 7-راكەتكاسى بولىپ تىركەلگەن قازاقستاندىق تەننيسشى باستاپقى كەزدەسۋىن دۇنيەجۇزىلىك رەيتينگتە 183-ورىندا تۇرعان سلوۆاكيالىق يوزەف كوۆاليكپەن وتكىزدى.
ءبىرىنشى پارتيادا ەكى برەيك جاساعان ا.بۋبليك باسىمدىلىق تانىتتى – 6:2. قازاقستاندىق سپورتشى ەكىنشى سەتتە دە 2:0 ەسەبىمەن العا شىقتى. دەگەنمەن سلوۆاكيالىق تەننيسشى تارازى باسىن تەڭەستىرە الدى – 3:3. بىراق ماتچتى ا.بۋبليك جەڭىسپەن ءتامامداي الدى – 6:4. 1 ساعات 19 مينۋتقا سوزىلعان باسەكە بارىسىندا ول 7 ەيس جاساپ, 12 برەيك-پوينتتىڭ تورتەۋىن ءمۇلت جىبەرمەدى. قارسىلاسى 1 ەيس, 1 برەيكپەن شەكتەلدى.
قازاقستاندىق تەننيسشى جۇلدە قورى 1 ملن اقش دوللارىنان اساتىن دودانىڭ شيرەك فينالىنا شىعۋ ءۇشىن الەمنىڭ 61-راكەتكاسى, فرانتسيالىق ارتۋر ريندەركنەحپەن تالاسادى.