فۋتبولدان انگليا ۇلتتىق قۇراماسىنىڭ بۇرىنعى شابۋىلشىسى پيتەر كراۋچ وسى ماۋسىمدا چەمپيوندار ليگاسىندا قاي كوماندالاردىڭ توپ جارۋى مۇمكىن ەكەنىن ايتتى, دەپ حابارلايدى Egemen.kz championat.com-عا سىلتەمە جاساپ.
«قازىرگى كەزدە اعىلشىن كلۋبتارىنىڭ كارى قۇرلىقتا ۇستەمدىك قۇرعانىن بارلىعىمىز كورىپ-ءبىلىپ وتىرمىز. سوڭعى ءۇش جىلدا ەكى رەت اعىلشىندىق فينالدى تاماشالاعانىمىز بارشاڭىزدىڭ جادىڭىزدا شىعار. وسى ماۋسىمدا دا اعىلشىندىق كوماندالاردىڭ فينالى بولسا, تاڭعالارلىق ەشتەڭە جوق. انگليا كلۋبتارىنان وزگە جەڭىسكە لايىقتى كوماندالاردى كورىپ تۇرعان جوقپىن. «ليۆەرپۋل» مەن «مانچەستەر سيتي» - مەنىڭ تۇسىنىگىمدە چەمپيوندار ليگاسىنىڭ فاۆوريتتەرى. «چەلسيدىڭ» دە مۇمكىندىگىن جوعارى دەپ ەسەپتەيمىن. اعىلشىندىق كلۋبتاردان تەك قانا «مانچەستەر يۋنايتەد» كومانداسىنا كۇمانىم بار.
وزگە ەلدەردىڭ كلۋبتارىنان «باۆاريانى» اتاۋعا بولادى. روبەرت لەۆاندوۆسكي مۇمكىندىكتەرىن ءمۇلت جىبەرمەيتىن مەرگەن فۋتبولشى ەكەنىن ءبارىمىز بىلەمىز. گەرمانيالىق كوماندانىڭ ويىن ۇلگىسىن, فۋتبولشىلارىنىڭ جىلدامدىعىن ەسكەرسەك, مۇمكىندىكتەرى جوعارى. يسپانيانىڭ «رەالى» قاي كەزدە دە جەڭىستەن ءۇمىتتى. الايدا جوعارىدا مەن ايتقان كوماندالارعا قاراعاندا مۇمكىندىگى ازداۋ. «پسج» فۋتبول كلۋبىندا جۇلدىزدار جەتكىلىكتى. الايدا ولار ءبىر ماقساتتىڭ اينالاسىندا ۇيىمداسا الا ما؟ اڭگىمە سوندا», دەيدى كراۋچ ءوز ويىمەن ءبولىسىپ.