مەملەكەت باسشىسىنىڭ ءباسپاسوز حاتشىسى بەرىك ءۋالي پرەزيدەنتتىڭ ۋكراينا توڭىرەگىندەگى جاعدايدى ءجىتى باقىلاپ وتىرعانىن ايتتى, دەپ جازادى Egemen.kz.
مەملەكەت باسشىسىنىڭ ءباسپاسوز حاتشىسى بەرىك ءۋالي Tengrinews.ءkz تىلشىسىنىڭ وسى تاقىرىپ توڭىرەگىندەگى ساۋالىنا جاۋاپ بەردى.
«ارينە, پرەزيدەنت ۋكراينا توڭىرەگىندەگى جاعدايدى ءجىتى باقىلاپ وتىر. بۇل ماسەلە ۆلاديمير پۋتينمەن كەزدەسۋدە تالقىلاندى. پرەزيدەنت كەلىسسوز قورىتىندىسى بويىنشا جاقسى ۇرىستان جامان تىنىشتىق ارتىق ەكەنىن ايتتى. باسقاشا ايتقاندا, ىمىراعا كەلۋ ءۇشىن ناتيجەلى ديپلوماتيالىق كەلىسسوزدەردىڭ جالعاسۋىن جاقتايدى. پرەزيدەنتتىڭ ايتۋىنشا, ەۋرازيالىق قاۋىپسىزدىكتىڭ بولىنبەۋشىلىك قاعيداتىن ۇستانعان ءجون, ونىڭ ۇستىنە بۇل قاعيدات 2010 جىلى قابىلدانعان ەقىۇ-نىڭ استانا دەكلاراتسياسى ماتىنىنە دە ەنگىزىلگەن», دەدى بەرىك ءۋالي.
ەسكە سالايىق, 10-11 اقپاندا قاسىم-جومارت توقاەۆ رەسەي پرەزيدەنتىنىڭ شاقىرۋىمەن ماسكەۋ مەن قازان قالالارىنا جۇمىس ساپارىمەن باردى. ساپار بارىسىندا ەكى ەل باسشىلارى بىرقاتار كەلىسسوز جۇرگىزدى.