نۇرسۇلتان نازارباەۆ حالىقارالىق اۋەجايىندا بىرقاتار رەيستەر كەشىكتىرىلۋدە. بۇعان ەلورداداعى مەتەوجاعداي سەبەپ بولدى, دەپ حابارلايدى Egemen.kz.
ەلوردا اۋەجايىنىڭ ءباسپاسوز حاتشىسى انۆار شالەكەنوۆ قاجەتتى اقپاراتتى اۆياكومپانيالاردىڭ بايلانىس ورتالىقتارىندا ءبىلۋ قاجەت ەكەنىن ايتتى.
«نۇرسۇلتان نازارباەۆ اۋەجايىنان ەلورداداعى مەتەوجاعدايعا بايلانىستى ۇشىپ كەتۋگە 10 رەيس جانە ۇشىپ كەلۋگە جەتى رەيس كەشىكتىرىلەدى. وزەكتى اقپاراتتى ءبىلۋ ءۇشىن جولاۋشىلاردى اۆياكومپانيالاردىڭ كولل-ورتالىقتارىنا جۇگىنۋىن سۇرايمىز», دەدى انۆار شالەكەنوۆ.
بۇدان باسقا, اۋا رايىنىڭ قولايسىزدىعىنان قازاقستان بويىنشا بىرنەشە رەسپۋبليكالىق جولدار جابىلدى. كەيبىر جولداردا كولىك قوزعالىسىنا ۋاقىتشا شەكتەۋ ەنگىزىلدى.
ەسكە سالا كەتسەك, 15 اقپاندا سينوپتيكتەر ەل اۋماعىندا بوران مەن قاتتى جەلدى بولجادى.