گەرمانيا فەدەرالدىق جينالىسى رەسپۋبليكا پرەزيدەنتى فرانك-ۆالتەر شتاينمايەردى ەكىنشى مەرزىمگە قايتا سايلادى, دەپ حابارلايدى Egemen.kz انادولى اگەنتتىگىنە سىلتەمە جاساپ.
مەملەكەت باسشىسىن سايلاۋ ءۇشىن ارنايى جينالاتىن فەدەرالدىق جينالىس مۇشەلەرىنىڭ باسىم بولىگى شتاينمايەردىڭ كانديداتۋراسىنا داۋىس بەردى.
1472 ادامنىڭ 1045-ءى شتاينمايەرگە داۋىس بەرگەن.
سايلاۋعا سوتسيال-دەموكرات شتاينمايەردەن باسقا, سولشىل كانديدات دارىگەر گەرحارد ترابەرت, «گەرمانيا ءۇشىن التەرناتيۆا» پارتياسىنىڭ نەمىس حريستيان-دەموكراتيالىق وداعىنىڭ مۇشەسى ماكس وتتە جانە «ەركىن سايلاۋشىلاردان» فيزيك ستەفاني گەباۋەر دە قاتىستى.
ترابەرت 96 داۋىس, گەباۋەر 58 جانە وتتە 140 داۋىس يەلەندى.
12 داۋىس جارامسىز دەپ تانىلدى, 86 دەلەگات قالىس قالدى.
66 جاستاعى شتاينمايەر ءبىرىنشى تۋردا جەڭىسكە جەتتى, ونى بارلىق نەگىزگى ساياسي كۇشتەر قولدادى.