يندۋستريا جانە ينفراقۇرىلىمدىق دامۋ مينيسترلىگى تۇرعىن ءۇي قۇرىلىسىنىڭ شەكتى قۇنىن بەلگىلەۋدى جوسپارلاپ وتىر. مۇنداي شەشىم بيۋدجەت قاراجاتى ەسەبىنەن سالىناتىن وبەكتىلەرگە قاتىستى بولادى. ۆەدومستۆو سىبايلاس جەمقورلىق تاۋەكەلدەرىن جويۋ ماقساتىندا قۇرىلىس سالاسىن تسيفرلاندىرۋ جانە اۆتوماتتاندىرۋ جۇمىسىن جۇرگىزىپ جاتىر.
قازىرگى ۋاقىتتا «ە-قۇرىلىس» اقپاراتتىق جۇيەسى ازىرلەندى. ول قازانشۇڭقىر قازۋدان باستاپ پايدالانۋعا بەرگەنگە دەيىنگى قۇرىلىس پروتسەسىن ونلاين-رەجىمدە باقىلاۋعا مۇمكىندىك بەرەدى. جۇيەگە مەملەكەتتىك ساۋلەت-قۇرىلىس باقىلاۋ ورگاندارى قوسىلىپ, تەحنيكالىق قاداعالاۋشىلار مەن ينجەنەرلىك-تەحنيكالىق قىزمەتكەرلەردىڭ بارلىق ءتىزىلىمى جۇكتەلگەن. سونداي-اق, تەحنيكالىق قاداعالاۋشىلاردىڭ بارلىق ەسەبى بەرىلەدى.
«ە-قۇرىلىس» جۇيەسى تەحنيكالىق قاداعالاۋ ساراپشىلارىن وبەكتىلەر بويىنشا باقىلاپ, ولاردىڭ ءتۇرلى وڭىردە قىزمەت كورسەتۋىنە جول بەرمەيدى. سونداي-اق جوبادان اۋىتقىپ كەتسە نەمەسە جۇمىس تولىق كولەمدە ورىندالماسا, ولاردى قابىلدامايدى.
قۇرىلىس جوبالارىنىڭ سمەتالىق قۇنىن جاساندى جولمەن كوتەرۋ تاۋەكەلدەرىن ازايتۋ ءۇشىن ونلاين-رەجىمدەگى «ونلاين كالكۋلياتور» جۇيەسى ازىرلەندى. بۇل وڭىرگە جانە وبەكتىنىڭ تەحنيكالىق ولشەمدەرىنە بايلانىستى جوبانىڭ شەكتى ءمانىن اۆتوماتتى تۇردە ەسەپتەپ, بەلگىلەۋگە مۇمكىندىك بەرەدى.
سونداي-اق مەملەكەتتىك بيۋدجەت قاراجاتى ەسەبىنەن قارجىلاندىرىلاتىن الەۋمەتتىك وبەكتىلەر جانە تۇرعىن ۇيلەر ءۇشىن شەكتى قۇنىن بەلگىلەۋ جوسپارلانىپ وتىر. ياعني قۇرىلىس شىعىنى شەكتەۋلى بولادى.
بۇدان باسقا, قازىر مينيسترلىك اككرەديتتەۋ بويىنشا مەملەكەتتىك قىزمەتتەردەگى سىبايلاس جەمقورلىق تاۋەكەلدەرىن جويدى. ولار تولىعىمەن اۆتوماتتاندىرىلعان جانە 20 مينۋت ىشىندە ناتيجەسىن كومپيۋتەر بەرەدى.
سونىمەن قاتار قۇرىلىس جۇمىستارىنا ليتسەنزيا بەرۋ كەزىندە ەندى تىكەلەي بايلانىس بولمايدى. تەحنيكالىق قاداعالاۋ, تەكسەرۋ جانە جوبالاردى ساراپتاۋ بويىنشا مامانداردى اتتەستاتتاۋدىڭ بىرىڭعاي جۇيەسىندە تەستىلەۋ فۋنكتسياسى ەنگىزىلدى. وندا سىناقتان وتەتىن ادامدى اۋىستىرۋعا جول بەرىلمەيدى جانە تەستىلەۋ ناتيجەلەرىنە بوگدە ەشكىم اسەر ەتە المايدى. ءۇردىستى بيىل تولىعىمەن اۆتوماتتاندىرۋ جوسپارلانعان.
قوسىمشا رۇقسات بەرۋ قۇجاتتارى بويىنشا مەملەكەتتىك فۋنكتسيالاردى مىندەتتى تۇردە ساقتاندىرا وتىرىپ, ءوزىن ءوزى رەتتەۋگە بەرۋ ازىرلەنىپ جاتىر. ياعني ءوز قىزمەتىن وزدەرى رەتتەيتىن ۇيىمدار مامانداردى اتتەستاتسيالاپ, ليتسەنزيالار بەرەدى جانە ولاردىڭ قىزمەتى ءۇشىن جاۋاپتى بولادى.
يدم قۇرىلىس سالاسىنداعى سىبايلاس جەمقورلىقتى جويۋ جۇمىستارىن باسىم باعىتتا جالعاستىرا بەرەدى.