الماتى قالاسىنىڭ پوليتسەيلەرى «كامەراد» قارۋ-جاراق دۇكەنىن توناعان ءۇش ازاماتتى قۇرىقتادى, دەپ حابارلايدى Egemen.kz Polisia.kz-كە سىلتەمە جاساپ.
كۇدىكتىلەردەن بەس مىلتىق تاركىلەنگەن. قالالىق كريمينالدىق پوليتسيا كەلتىرگەن دەرەكتەرگە زەر سالساق, ەكى كۇدىكتى الماتى وبلىسىنىڭ, تاعى ءبىرى جامبىل وبلىسىنىڭ ىلگەرىدە توناۋ دەرەگى بويىنشا سوتتى بولعان تۇرعىندارى ەكەن.
«ولار 22-24 جاستاعى ازاماتتار. الماتى وبلىسىنا قاراستى قاراساي اۋدانى اۋماعىندا ارنايى ءىس-شارا بارىسىندا كۇدىكتىلەردىڭ ەكەۋى ۇستالدى, تاعى ءبىرى الماتىداعى دوستىق داڭعىلىنداعى ساۋدا ۇيىندە قولعا ءتۇستى. كۇدىكتىلەر قاماۋعا الىنعان. ۇستالعانداردىڭ باسقا دا زاڭسىز ارەكەتتەرگە, سونىڭ ىشىندە قاڭتارداعى جاپپاي تارتىپسىزدىكتەرگە قاتىسى بار-جوعى تەكسەرىلۋ ۇستىندە», دەيدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.