شىعىس قازاقستان وبلىسىندا وليمپيادا چەمپيونى ولگا رىپاكوۆا اتىنداعى جەڭىل اتلەتيكا مانەجى پايدالانۋعا بەرىلدى. بۇل تۋرالى Egemen.kz ءتىلشىسى حابارلادى.
جەڭىل اتلەتيكا مانەجىنىڭ تۇساۋكەسەر راسىمىنە ءوڭىر باسشىسى بەردىبەك ساپارباەۆ, لوندون وليمپياداسىنىڭ چەمپيونى ولگا رىپاكوۆا, «قازاتومونەركاسىپ» ۇلتتىق كومپانياسى باسقارما توراعاسىنىڭ ورىنباسارى سەرگەي ياششين, سپورت جانە دەنەشىنىقتىرۋ ىستەرى جونىندەگى اگەنتتىك توراعاسىنىڭ ورىنباسارى سارسەن قۇرانبەك, ەلىمىزدىڭ جەڭىل اتلەتيكا فەدەراتسياسىنىڭ ۆيتسە-پرەزيدەنتى الەكسەي كوندرات, جەڭىل اتلەتيكا بويىنشا باس باپكەر ۆياچەسلاۆ سوكيركو, 2013 جىلعى «قازاقستان بارىسى» ايبەك نۇعىماروۆ قاتىستى.
حالىقارالىق تالاپتارعا ساي كەلەتىن سپورت كەشەنى «قازاتومونەركاسىپ» ۇلتتىق كومپانياسىنىڭ دەمەۋشىلىگىمەن سالىندى. جالپى سىيىمدىلىعى 650 جانكۇيەرگە ارنالعان ەلىمىزدەگى بىرەگەي سپورت نىسانىندا 60 جانە 200 مەترلىك جۇگىرۋ جولدارى, بيىكتىككە جانە قارعىپ سەكىرۋ سەكتورلارى, سونداي-اق سپورتشىلاردىڭ كوپسايىسقا دەيىنگى جەڭىل اتلەتيكانىڭ بارلىق ءتۇرى بويىنشا جاتتىعۋىنا مۇمكىندىك بار.الەمدىك تالاپتارعا جاۋاپ بەرەتىن نىسانعا قازىردىڭ وزىندە جاتتىعۋلار مەن ءىرى جارىستار وتكىزۋگە وتىنىشتەر تۇسۋدە. «قازاتومونەركاسىپ» ۇلتتىق كومپانياسى اتالعان نىساندى سالۋعا 700 ملن. تەڭگە بولگەن بولاتىن.
سپورت نىسانىنىڭ اشىلۋ سالتاناتىندا ءXVىى وليمپيادا ويىندارىنىڭ كۇمىس جۇلدەگەرى, بەلگىلى جەلاياق جەرلەسىمىز عۇسمان قوسانوۆ اتىنداعى جاسوسپىرىمدەر مەن قىزدار اراسىندا اشىق بىرىنشىلىك ءوتتى. اتالعان جارىسقا وبلىس سپورتشىلارىمەن قاتار, پاۆلودار, قاراعاندى جانە الماتى وبلىستارىنىڭ كوماندالارى قاتىستى.
ولگا رىپاكوۆا سپورتشىلارعا لايىقتى قۇرمەت كورسەتكەن مەملەكەت باسشىسىنا ءوزىنىڭ ريزاشىلىعىن جەتكىزدى.
دۋمان اناش.
وسكەمەن.
دەرەككوز: Egemen.kz.
فوتو: Egemen.kz.