باقىت سۇلتانوۆ جاڭا قىزمەتكە تاعايىندالدى

«دامۋ» كاسىپكەرلىكتى دامىتۋ قورى» اق ءباسپاسوز قىزمەتى اتاپ وتكەندەي, بۇل شەشىم 2022 جىلعى 4 اقپاندا قوردىڭ ديرەكتورلار كەڭەسىمەن قابىلداندى.

ول 1994 جىلى قازاق ۇلتتىق تەحنيكالىق ۋنيۆەرسيتەتىن ينجەنەر-ەلەكتريك ماماندىعى بويىنشا, 1995 جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا بىتىرگەن.

ەڭبەك جولىن 1994 جىلى قازاقستان رەسپۋبليكاسى قارجى مينيسترلىگىنە قارجى نارىعىنىڭ باعالى قاعازدارى باسقارماسى اكتسيونەرلەۋ جانە ليتسەنزيالاۋ ءبولىمىنىڭ جەتەكشى ەكونوميستى بولىپ باستادى.

1995 جىلدان باستاپ ءبولىم باستىعى, كەيىن باسقارما باستىعىنىڭ ورىنباسارى (1996), بيۋدجەت دەپارتامەنتى ديرەكتورىنىڭ ورىنباسارى (1997), مەملەكەتتىك ساتىپ الۋ دەپارتامەنتىنىڭ ديرەكتورى (1998), قازىناشىلىق دەپارتامەنتى ديرەكتورىنىڭ ورىنباسارى (1999), بيۋدجەت دەپارتامەنتى ديرەكتورىنىڭ ورىنباسارى (2001), قازاقستان رەسپۋبليكاسى قارجى مينيسترلىگى مەملەكەتتىك بيۋدجەت دەپارتامەنتىنىڭ ديرەكتورى (2002) بولىپ تاعايىندالدى.

2002 جىلعى قىركۇيەكتەن 2003 جىلعى ماۋسىمعا دەيىن - قر ەكونوميكا جانە بيۋدجەتتىك جوسپارلاۋ مينيسترلىگى بيۋدجەت ساياساتى جانە جوسپارلاۋ دەپارتامەنتىنىڭ ديرەكتورى.

2003 جىلعى ماۋسىمنان 2006 جىلعى اقپانعا دەيىن - قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ۆيتسە-ءمينيسترى.

2006 جىلعى اقپاننان 2007 جىلعى قاڭتارعا دەيىن - قازاقستان رەسپۋبليكاسى ستاتيستيكا اگەنتتىگىنىڭ توراعاسى.

2007 جىلعى قاڭتاردان 2007 جىلعى 10 تامىزعا دەيىن - قازاقستان رەسپۋبليكاسىنىڭ قارجى ۆيتسە-ءمينيسترى.

2007 جىلعى 10 تامىزدان باستاپ - قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى.

2010 جىلعى 13 ناۋرىزدا پرەزيدەنت جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى.

2012 جىلعى 21 قاڭتاردان 2013 جىلعى 6 قاراشاعا دەيىن - قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى.

2013 جىلعى 6 قاراشادان 2018 جىلعى 11 قىركۇيەككە دەيىن - قازاقستان رەسپۋبليكاسى پرەمەر-ءمينيسترىنىڭ ورىنباسارى جانە قازاقستان رەسپۋبليكاسىنىڭ قارجى ءمينيسترى.

2018 جىلعى 11 قىركۇيەكتەن 2019 جىلعى 13 ماۋسىمعا دەيىن - استانا, قازىرگى نۇر-سۇلتان قالاسىنىڭ اكىمى.

2019 جىلعى 17 ماۋسىمنان باستاپ - قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى.

2022 جىلعى 11 قاڭتاردان باستاپ قازاقستان رەسپۋبليكاسى پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى بولىپ تاعايىندالدى.

بۇعان دەيىن مەملەكەت باسشىسى قاسىم-جومارت توقاەۆ قر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆتى ەەك كەڭەسىندەگى قازاقستاننىڭ وكىلى ەتىپ تاعايىنداۋ تۋرالى جارلىققا قول قويعان بولاتىن.