ارالاس جەكپە-جەك الەمىندەگى ەڭ بەدەلدى ۇيىم UFC-دە جاسىنداي جارقىراپ, قاتارىنان ءۇش كەزدەسۋدە جەڭىسكە جەتكەن وتانداسىمىز شاۆقات راحمونوۆ ەندى ءبىر شايقاستان كەيىن جارتىلاي ورتا سالماقتا ۇزدىك وندىققا كىرۋى ىقتيمال, دەپ حابارلايدى Egemen.kz.
جاڭارتىلعان رەيتينگتە قازاقستاندىق سپورتشى جارتىلاي ورتا سالماق دارەجەسىندە ۇزدىك ون بەستىككە ەنگەن بولاتىن. سوڭعى دەرەكتەرگە سەنسەك, قازاق وعلانى كەلەسى كەزدەسۋىندە رەيتينگتە 12 ورىنعا ورنىققان اقش سپورتشىسى دجەفف نيلگە قارسى وكتاگونعا شىعۋى مۇمكىن. امەريكالىق سپورتشىدان ايلاسىن اسىرسا شاۆقات ۇزدىك وندىقتىڭ قاتارىنان كورىنەتىنى داۋسىز.
وتانداسىمىز ءوزىنىڭ رەيتينگتە ۇزدىكتەر قاتارىنا ىلىككەنى تۋرالى اقپاراتتى ينستاگرامداعى پاراقشاسىندا ءبولىسىپ: «ينشاللا, كەلەسى قادامدار جاڭا بيىكتەرگە باستايتىن بولادى», دەگەن جازبا قالدىردى.
ەستەرىڭىزگە سالا كەتەيىك, جارتىلاي ورتا سالماقتا كامارۋ ۋسمان الەم چەمپيونى ەكەنى ءمالىم. شاۆقاتتىڭ ماقساتى – بولاشاقتا ءوز سالماعىنىڭ ۇزدىگى اتانۋ.