الاياقتار قايىرىمدىلىق ۇيىمدارىنىڭ بىرىڭعاي ءتىزىلىمىن پايدالانىپ, قازاقستاندىقتارعا نەسيە راسىمدەمەك بولعان. بۇگىندە 400-دەن استام ءوتىنىش ءتۇستى. بۇل تۋرالى «قازاقستان حالقىنا» قورىنىڭ ءباسپاسوز قىزمەتى مالىمدەدى, دەپ جازادى Egemen.kz.
قور مالىمەتىنشە, تەك دەمالىس كۇندەرى عانا «اتامەكەن» ۇكپ بايلانىس ورتالىعىنا وسىنداي شاعىممەن 250 ادام جۇگىنسە, دۇيسەنبى, 7 اقپاندا وسى تەكتەس تاعى 186 قوڭىراۋ تۇسكەن.
ءباسپاسوز قىزمەتى مالىمەتىنشە, شىمكەنت قالاسىنىڭ تۇرعىنى كومەك الۋعا ءوتىنىم تولتىرعاننان كەيىن ەكراندا نەسيە ءساتتى وڭدەلگەنى تۋرالى اقپارات شىققانىن, ودان ءارى اقشالاي نەسيەنى الۋ تۋرالى ۇسىنىسپەن بەينە قوڭىراۋ تۇسكەنىن ايتقان.
«مۇنداي وقيعا وسكەمەندە دە بولدى. ول جەردە قالا تۇرعىنىنا جالعان ەلەكتروندىق ۇكىمەت پورتالىنان سمس-حابارلاما كەلگەن. سودان كەيىن الاياق تەلەفون ارقىلى 1 166 000 تەڭگە كومەك قاراجاتىن جىبەرۋ ءۇشىن SMS-كودتى سۇراعان», دەدى قوردىڭ ءباسپاسوز قىزمەتى.
قوردىڭ ءباسپاسوز قىزمەتى قازاقستاندىقتارعا تەك رەسمي اقپاراتقا عانا سەنۋ كەرەك ەكەنىن ەسكەرتتى.
«قور مەسسەندجەرلەر ارقىلى بەينە نەمەسە اۋديو قوڭىراۋلار جاسامايدى. جالعىز بايلانىس - qazaqstanhalqyna.kz سايتى جانە قايىرىمدىلىق ۇيىمدارىنىڭ بىرىڭعاي ءتىزىلىمى. ءبىز ازاماتتاردى قاۋەسەتتەرگە سەنبەۋگە جانە الاياق ۇيىمداردىڭ ارانداتۋىنا ءتۇسىپ قالماۋعا شاقىرامىز. تەك رەسمي اقپاراتقا سەنىڭىز», دەدى قوردىڭ رەسمي وكىلى الىبەك ءابدىلوۆ.