ءمولت ەتكەن ماحاببات

«سەنى ءسۇيۋ – الەمگە ماڭ­دايدان نۇر تاراتۋ», دەيدى بەلگىلى اقىن تىنىشتىقبەك ابدىكاكىم. شىنىمەن اسقاق سەزىمنىڭ اياسىندا كۇننىڭ ءوزى كولەڭكەلەيتىندەي, ءتىپتى عاشىق جان الاپات ءورتتى ءبىر تامشى سۋمەن وشىرۋگە قاۋ­قارلى. تەڭىزدىڭ ارعى بەتىنە قايىقسىز قۇلاش سەرمەگەندەي جانىڭىزدى جاسامپاز جىگەر بيلەيدى. سول اسەردىڭ اۋەنىنە ەلىتكەن اتىراۋلىق جاس سۋرەتشى رافاەل سلە­كەنوۆ «العاشقى ءسۇيۋ» كارتيناسىن جازادى. بۇل ونىڭ قىرمىزى گۇلگە تولى مىڭ بوياۋلى الەمى.

قىلقالام شەبەرى ءوز كارتينالارىن جاپوندىق مۋلتينسترۋمەنتاليست كي­تارونىڭ مەديتاتسيالىق مۋزىكاسىنا بويلاي وتىرىپ جازىپ, يدەيالارىن جەتىلدىرەدى ەكەن. سودان دا بولار ونىڭ ويلاۋ كەڭىستىگى وزگەشە. ما­سەلەن, ول ءوز ءستيلىن «دجاز كەس­كىندەمە» نەمەسە «اۆانگارد» دەپ اتايدى. بۇدان قا­زاق بەينەلەۋ ونەرىندەگى جاس بۋىن وكىلدەرىنىڭ كارتينا جازۋداعى ەركىندىگى, قىلقالام ۇستاۋداعى شەبەر­لىگى, ارقايسىسىنىڭ وزىندىك پىكىرى قالىپتاسىپ كەلە جات­قانىن بايقاۋعا بولادى. اسى­رەسە تاقىرىپ تاڭداۋداعى جە­تىس­تىگى وراسان.

جاس سۋرەتكەر بۇرىنعى كەڭەستىك كەزەڭنىڭ كانوندارىنان باس تارتىپ, زامانعا ساي تاۋەلسىز تاقىرىپتارعا بارىپ, جاڭا باعىتقا بەت بۇردى. بۇل ءۇردىس قازاق ونە­رىنىڭ رۋحاني ەرەكشەلىگىن جوعالتپاي, قايتا ونەردىڭ قايتالانباس پلاستيكالىق ءتىلىن قالىپتاستىردى. سەن­بەسەڭىز, اۆتوردىڭ شى­عار­ما­شىلىعىنا ۇڭىلسەڭىز بولادى. ءبىز مىسالعا العان تۋىندىدا شىعىس سۋرەت ونەرىنە ءتان دەتالدار كەز­دەسەدى.

گۇلزار باق ىشىندە بۇرالا بيلەگەن قوس عاشىقتىڭ اينالاسى تولعان راۋشان گ ۇلى. اق پەن قىزىل تۇستەردىڭ ءوزارا بايلانىسى, كوك تۇسپەن شەكارالاسىپ شىعارمانىڭ ين­تەرەرىن بايىتىپ تۇر. بۇل بوياۋلار جاستىق شاقتىڭ اساۋلىعىن, تازالىعىن سيپاتتايدى. بوزبالا مەن بوي­جەتكەننىڭ ءمولت ەتكەن ما­حاب­باتىنان جارالعان كوم­پو­زيتسيا كوڭىل ەلىتىپ قانا قويماي, جۇرەككە جىلۋ ۇيا­لاتادى.