استانا مەملەكەتتىك قىزمەت حابى مەن ونىڭ باسقارۋشى كوميتەت توراعاسى اليحان بايمەنوۆ مەملەكەتتىك باسقارۋ تاجىريبەسى مەن عىلىمىنا قوسقان زور ۇلەسى ءۇشىن امەريكا مەملەكەتتىك باسقارۋ اسسوتسياتسياسى (ASPA) «مەملەكەتتىك باسقارۋدىڭ حالىقارالىق جۇلدەسىمەن» ماراپاتتالدى, دەپ حابارلايدى Egemen.kz.
ASPA اتقارۋشى ديرەكتورى ۋيلليام شيلدس قۇتتىقتاۋ حاتىندا: «بۇل ماراپات حاب پەن ونىڭ توراعاسىنا حالىقارالىق دەڭگەيدە مەملەكەتتىك قىزمەتتىڭ ءتيىمدى جۇيەلەرىن قۇرۋ مەن ونى نىعايتۋعا, سونداي-اق مەملەكەتتىك باسقارۋ سالاسىنداعى حالىقارالىق ىنتىماقتاستىقتى دامىتۋعا قوسقان ەلەۋلى ۇلەسى ءۇشىن بەرىلدى», دەپ جازعان.
ASPA - مەملەكەتتىك باسقارۋ سالاسىندا الەمدەگى 10 مىڭنان استام كاسىپقوي مامانداردى بىرىكتىرەتىن, كوپ جىلدىق تاريحى بار, حالىقارالىق دەڭگەيدە تانىلعان كاسىبي قاۋىمداستىق. 1939-شى جىلدان بەرى بۇل ۇيىم عالىمدار مەن پراكتيكتەر اراسىنداعى ماڭىزدى كوپىر قىزمەتىن اتقارا وتىرىپ, مەملەكەتتىك جانە كوممەرتسيالىق ەمەس باسقارۋدىڭ عىلىمى, ءبىلىمى جانە پراكتيكاسىنىڭ دامۋىنا ىقپال ەتىپ كەلەدى.
قۇتتىقتاۋ حاتتا ماراپاتتاۋ ءراسىمى 2022 جىلعى ناۋرىز ايىندا ASPA-نىڭ جىل سايىنعى كونفەرەنتسياسى اۋقىمىندا وتكىزىلەتىنى ايتىلعان.
بۇگىندە حاب 42 قاتىسۋشى مەملەكەت پەن 70-تەن استام ينستيتۋتسيونالدى سەرىكتەستەرمەن تىعىز قارىم-قاتىناستا جۇمىس جاسايدى.