قاسىم-جومارت توقاەۆ Nur Otan پارتياسىنىڭ اتقارۋشى حاتشىسى اسحات ورالوۆتى قابىلدادى. كەزدەسۋ بارىسىندا پرەزيدەنت Nur Otan پارتياسىن جاڭعىرتۋ جۇمىستارىن جەدەلدەتۋدى تاپسىردى, دەپ حابارلايدى Egemen.kz اقورداعا سىلتەمە جاساپ.
پارتيا توراعاسىنىڭ ايتۋىنشا, ەل ازاماتتارىنىڭ تالاپ-تىلەكتەرىنە تولىق جاۋاپ بەرۋى ءۇشىن پارتيانى جۇيەلى تۇردە قايتا قۇرۋ قاجەت. سونداي-اق پارتيا زاماناۋي سىن-قاتەرلەرگە توتەپ بەرۋگە جانە جەدەل ارەكەت ەتۋگە ءتيىس.
مەملەكەت باسشىسىنا پارتيانىڭ جۇمىسىن قايتا قۇرۋ جوسپارى جونىندە مالىمەت بەرىلدى. اسحات ورالوۆتىڭ ايتۋىنشا, ساياسي ۇيىمنىڭ ورتالىق اپپاراتى ماجىلىستەگى فراكتسيامەن بىرلەسە وتىرىپ, پارتيانىڭ سايلاۋالدى باعدارلاماسىندا قامتىلعان جول كارتالارىنىڭ جۇزەگە اسىرىلۋى بويىنشا جۇيەلى تالداۋ جۇرگىزىلىپ جاتقانىن باياندادى.