ەكى سالماق دارەجەسىندەگى الەمنىڭ بۇرىنعى چەمپيونى, ۇلىبريتانيالىق بيللي دجو سوندەرس وتانداسى كريس يۋبەنكپەن ەكىنشى رەت شارشى الاڭدا كەزدەسۋگە دايىن ەكەنىن مالىمدەدى, دەپ حابارلايدى Egemen.kz.
«كريستە مەنىڭ تەلەفون ءنومىرىم بار. كەز كەلگەن ۋاقىتتا ماعان قوڭىراۋ شالۋىنا بولادى. ايتكەنمەن ەكەۋمىزدىڭ ارامىزداعى ەكىنشى جەكپە-جەكتى وتكىزۋ ءۇشىن ءبىر ماسەلە تۋىندايدى. مەندە DAZN-مەن كەلىسىمشارت بار. ال يۋبەنك بىزبەن بىرگە ەمەس. سوندىقتان كەلىسىمگە قالاي كەلەتىنىمىزدى ءازىر تۇسىنبەيمىن. الايدا جولىن تاۋىپ, جەكپە-جەك ۇيىمداستىرۋعا بولادى. وعان كۇمانىم جوق. قىسقاسى, گولوۆكيندى ەمەس, مەنى ىزدە», دەيدى بيللي دجو سوندەرس.
ەكى بوكسشى 2014 جىلدىڭ قاراشا ايىندا شارشى الاڭدا ءوزارا كىم مىقتىنى انىقتاعان بولاتىن. اتالمىش جەكپە-جەكتە تورەشىلەردىڭ شەشىمىمەن بيللي دجو سوندەرس جەڭىسكە جەتكەن ەدى.