Twitter ازىرلەۋشىلەرى تەرىس پىكىرلەردى باعالاۋ مۇمكىندىگىن سىناۋ ءۇشىن اۋديتوريانى كەڭەيتۋگە شەشىم قابىلدادى, دەپ حابارلايدى Egemen.kz.
جاڭا فۋنكتسيا Twitter سايتىندا جانە Android پلاتفورماسىنا ارنالعان ءموبيلدى قوسىمشادا پايدا بولادى, ال iOS وپەراتسيالىق جۇيەسىنىڭ پايدالانۋشىلارى بۇل فۋنكتسياعا بۇرىن دا قول جەتكىزگەن.
Twitter بۇنى وتكەن جىلى تەستىلەي باستادى. الايدا, كومپانيا وكىلدەرى بۇل فۋنكتسيانى «ديزلايك» دەپ اتاماۋعا شاقىردى.
ساراپشىلار فۋنكتسيا قاراپايىم بولىپ كورىنەتىنىنە قاراماستان, ونى ەنگىزۋ تەڭگەرىمدى تالاپ ەتەتىنىن اتاپ ءوتتى.
كومپانيا وكىلدەرىنىڭ ايتۋىنشا, مۇنداعى ماقسات - قارىم-قاتىناس ساپاسىن جاقسارتۋ. الدىن-الا جۇرگىزىلگەن سىناقتار, پايدالانۋشىلار بۇل باتىرمانى قورلايتىن پىكىرلەرگە نەمەسە ورىنسىز دەپ قابىلداعان جازبالارعا عانا قولدانعانىن كورسەتتى.