بىرقاتار وڭىردە داۋىلدى ەسكەرتۋ جاريالاندى

كۇندىز اقتوبە وبلىسىنىڭ وڭتۇستىك-باتىسىندا جانە ورتالىعىندا بۇرقاسىن, كوكتايعاق كۇتىلەدى. وڭتۇستىك-شىعىستان, وڭتۇستىك-باتىستان جانە وبلىس ورتالىعىنان سوققان جەلدىڭ ەكپىنى 15-20 م/س جەتەدى.

تۇندە جانە تاڭەرتەڭ الماتى وبلىسىنىڭ وڭتۇستىگى مەن شىعىسىندا تۇمان تۇسەدى, وبلىستىڭ سولتۇستىك-شىعىسىندا وڭتۇستىك-شىعىستان, تاۋلى, تاۋ بوكتەرىندەگى اۋدانداردا 17-22 م/س, الاكول كولدەرىنىڭ اۋدانىندا ەكپىنى 23-28 م/س, كەيدە 30 م/س جانە ودان دا كوپ جەل تۇرادى. تالدىقورعان قالاسىندا تۇندە جانە تاڭەرتەڭ تۇمان كۇتىلەدى.

اتىراۋ وبلىسىنىڭ باتىسىندا, سولتۇستىگىندە جانە ورتالىعىندا تۇمان كۇتىلەدى. اتىراۋ قالاسىندا تۇمان تۇسەدى.

قاراعاندى وبلىسىنىڭ باتىسىندا, شىعىسىندا, ورتالىعىندا شىعىستان, وڭتۇستىك-شىعىستان 15-20 م/س جەل سوعادى, ەكپىنى 25 م / س جەتەدى.

قىزىلوردا وبلىسىنىڭ سولتۇستىگىندە, ورتالىعىندا تۇمان ساقتالادى. سولتۇستىكتە وڭتۇستىك-شىعىستان جەل سوعادى, وبلىس ورتالىعىندا 15-20 م/س جىلدامدىقپەن سوعادى, قىزىلوردا قالاسىندا كەي كەزدە تۇمان تۇسەدى. كۇندىز وڭتۇستىك-شىعىستان 15-20 م/س جەل سوعادى.

ماڭعىستاۋ وبلىسىنىڭ باتىسى مەن ورتالىعىندا كوكتايعاق كۇتىلەدى. وبلىستىڭ سولتۇستىگىندە تۇمان كۇتىلەدى. وڭتۇستىك-شىعىستان سولتۇستىك-باتىسقا اۋىساتىن جەل, كۇندىز وبلىستىڭ باتىسىندا ەكپىنى 17-22 م/س, اقتاۋ قالاسىندا سولتۇستىك-باتىستان جەل سوعادى, كۇندىز ەكپىنى 17-22 م/س جەتەدى.

تۇركىستان وبلىسىنىڭ سولتۇستىگى مەن تاۋلى, تاۋ بوكتەرىندەگى اۋداندارىندا تۇمان كۇتىلەدى. وبلىستىڭ سولتۇستىگىندە جانە تاۋلى اۋدانداردا وڭتۇستىك-شىعىستان 15-20 م / س جەل سوعادى, كۇندىز ەكپىنى 23 م/س جەتەدى.