الماتىدا ۇيلەردىڭ بىرىنەن ەسىرتكى جىلىجايى انىقتالدى, دەپ حابارلايدى Egemen.kz.
جىلىجايعا قالاداعى مەدەۋ اۋدانىنىڭ 74 جاستاعى تۇرعىنى يەلىك ەتكەن.
«تەكسەرۋ بارىسىندا ەسىرتكىنى جىلىجايدا ءوسىرۋ دەرەگى انىقتالدى. قاراسوراعا ۇقسايتىن وسىمدىك ەگىلگەن قۇمىرالار تابىلدى. سوت-حيميالىق ساراپتاماسى تاعايىندالدى», دەدى مەدەۋ اۋداندىق پب باستىعى داۋرەن وتەباەۆ.
زەينەتكەر ەسىرتكىگە وسىدان ون بەس جىل بۇرىن اۋەستەنگەنىن, سوندىقتان ونى ءوزى وسىرۋگە بەل بۋعانىن ايتقان. قۇرامىندا وسىرۋگە تىيىم سالىنعان ەسىرتكى زاتتارى بار وسىمدىكتەردى زاڭسىز ءوسىرۋ دەرەگى بويىنشا سوتالدى تەرگەۋ امالدارى باستالعان.