يۋنيسەف راستاعان مالىمەتتەرگە سايكەس, كەشە تۇندە سيريانىڭ سولتۇستىك-باتىسىندا باستالعان زورلىق-زومبىلىق سالدارىنان التى بالا قازا تاۋىپ, تاعى بىرەۋى جاراقات الدى, دەپ حابارلايدى Egemen.kz بۇۇ جاڭالىقتار سايتىنا سىلتەمە جاساپ.
يۋنيسەف-ءتىڭ تاياۋ شىعىس جانە سولتۇستىك افريكا بويىنشا ايماقتىق ديرەكتورى مىندەتىن اتقارۋشى بەرتراند بەنۆەلدىڭ ايتۋىنشا, وتكەن تۇندە سيريانىڭ سولتۇستىك-باتىسىندا, اتاپ ايتقاندا شەكارالاس اتمەح قالاسىندا كەڭ اۋقىمدى قارۋلى قاقتىعىس بولدى.
بۇۇ مالىمەتىنشە, حالىق تىعىز ورنالاسقان ايماقتارعا زاقىم كەلگەن.
«جىل باسىنان بەرى كومەككە ءزارۋ 1,2 ميلليون بالا تۇراتىن سولتۇستىك-باتىس يدليب پروۆينتسياسى مەن ونىڭ ماڭىنداعى اۋدانداردا زورلىق-زومبىلىق ايتارلىقتاي ءورشىپ كەتتى», دەدى يۋنيسەف وكىلى.
سيريانىڭ وسى بولىگىندەگى كوپتەگەن وتباسىلار زورلىق-زومبىلىقتان قۇتىلۋ ءۇشىن اتالعان اۋدانعا قونىس اۋدارعان كورىنەدى.