قاۋىپسىز ەڭبەك: جۇمىس بەرۋشىلەردىڭ جاۋاپكەرشىلىگى ارتادى

اتاپ ايتقاندا, زاڭناماعا وزگەرىستەر مەن تولىقتىرۋلار ەنگىزۋ بويىنشا كەلەسى ۇسىنىستار ازىرلەۋ جوسپارلانۋدا:

وندىرىستىك جاراقاتتانۋدىڭ الدىن الۋ تەتىكتەرىن جەتىلدىرۋ; قوسىمشا دەمالىس, قىسقارتىلعان جۇمىس ۋاقىتى, ەڭبەكاقىنىڭ جوعارى مولشەرى, اۋىر جۇمىستاردا, ەڭبەك جاعدايلارى زياندى نەمەسە قاۋىپتى جۇمىستاردا ىستەيتىن قىزمەتكەرلەرگە مىندەتتى كاسىپتىك زەينەتاقى جارنالارىن تولەۋ تۇرىندە كەپىلدىك بەرۋدىڭ تاۋەكەلگە باعدارلانعان تەتىگىن ەنگىزۋ.

سونداي-اق, ەڭبەك قىزمەتىنە بايلانىستى جازاتايىم وقيعا فاكتىسى تۋرالى ۋاقتىلى حابارلاماعان كەزدە جۇمىس بەرۋشىنىڭ اكىمشىلىك جاۋاپكەرشىلىگىن كۇشەيتۋ جانە بەلگىلەۋ ماسەلەسىن قاراۋ ۇسىنىلادى.

بۇدان باسقا, كەز كەلگەن كاسىپتىك توپ ءۇشىن ەڭبەك جاعدايلارىن باعالاۋعا, ونىڭ ىشىندە ەرەكشە ەڭبەك جاعدايلارىندا (جەراستى جۇمىستارى, اشىق اۋادا جانە بيىكتىكتەگى جۇمىستار جانە ت.ب.) وندىرىستىك فاكتورلاردى سايكەستەندىرۋ جانە ولشەۋ بويىنشا ادىسنامالىق ۇسىنىمدار ازىرلەۋ جوسپارلانۋدا.

سونىمەن قاتار, جوبا كەلەسى تۇستاردى قاراستىرادى:

جۇمىسكەرلەرگە كاسىپتىك قاتەردى باعالاۋ ناتيجەلەرىنە قاراي جەكە قورعانىش قۇرالدارىن بەرۋ قاعيدالارى مەن نورمالارىن قايتا قاراۋ; ەڭبەكتى قورعاۋعا ارنالعان شىعىنداردى ەكونوميكالىق جوسپارلاۋعا, تيىمدىلىكتى باعالاۋعا, ونىڭ ىشىندە ەڭبەكتى قورعاۋعا ارنالعان شىعىندار بيۋدجەتىن جاساۋ بويىنشا ونلاين-پلاتفورما قۇرۋ بولىگىندە ادىستەمەلىك ۇسىنىمدار ازىرلەۋ. ەڭبەك قاۋىپسىزدىگى جانە ەڭبەكتى قورعاۋ بويىنشا وقىتۋ جانە ءبىلىمدى تەكسەرۋ جۇرگىزۋ بويىنشا وقۋ ۇيىمدارىن اككرەديتتەۋ ماسەلەسىن قاراۋ, سونداي-اق ەڭبەكتى قورعاۋ سالاسىنداعى ءبىلىمدى تەكسەرۋ بويىنشا ونلاين پلاتفورمانى ەنگىزۋ.

ەڭبەك مينيسترلىگىنەن حابارلاعانداي, ۇكىمەت قاۋلىسىنىڭ جوباسىن قابىلداۋ وڭ الەۋمەتتىك-ەكونوميكالىق سالدارعا الىپ كەلەدى, وندىرىستىك جاراقاتتانۋ مەن زياندى ەڭبەك جاعدايلارى بار جۇمىس ورىندارىنىڭ الدىن الۋعا جانە ازايتۋعا ىقپال ەتەدى.

قۇجات 17 اقپانعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.