ازىق-ت ۇلىك قاۋىپسىزدىگى ماسەلەلەرى مەن ولاردى شەشۋ تەتىكتەرىن سەناتور باۋىرجان قانيەۆ ەلىمىزدىڭ پرەمەر-ءمينيسترىنىڭ اتىنا جولداعان دەپۋتاتتىق ساۋالىندا ايتتى, دەپ حابارلايدى Egemen.kz قر پارلامەنتى سەناتىنىڭ ءباسپاسوز قىزمەتىنە سىلتەمە جاساپ.
دەپۋتات اۋىل شارۋاشىلىعى مينيسترلىگىنىڭ مالىمەتىن زەردەلەي وتىرىپ, قازىر ەلگە ءسۇت ونىمدەرىنىڭ 23%-ى, قۇس ەتىنىڭ 38%-ى, شۇجىق ونىمدەرىنىڭ 44%-ى يمپورتتالاتىنىن ءسوز ەتتى. ياعني, ەل يمپورتتىق ونىمدەرگە ايتارلىقتاي تاۋەلدى, بۇل مەملەكەتتىڭ ازىق-ت ۇلىك قاۋىپسىزدىگىنە ناقتى قاۋىپ توندىرەتىنىن دە دەپۋتات نازاردان تىس قالدىرعان جوق.
وسىعان بايلانىستى دەپۋتات ەلدىڭ يمپورتقا تاۋەلدىلىگىن تومەندەتۋ, تاماق ونىمدەرى ءوندىرىسىن دامىتۋدى قامتاماسىز ەتۋ, ەكسپورت پەن يمپورتتىڭ تەڭگەرىمدى قۇرىلىمىن ساقتاۋ, سونداي-اق ازىق-ت ۇلىكپەن قامتاماسىز ەتۋدى تۇراقتاندىرۋ ءۇشىن رەزەرۆتىك قورلار قۇرۋ ورىندى دەپ سانايدى.
«ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋ ءۇشىن مەملەكەتتىك استىق رەسۋرستارىن جانە باسقا دا اۋىل شارۋاشىلىعى ونىمدەرىن قالىپتاستىرۋ, ساقتاۋ جانە پايدالانۋ ماسەلەلەرىن زاڭنامالىق تۇرعىدان بەكىتۋدى ۇسىنامىز. سونداي-اق الەۋمەتتىك ماڭىزى بار ازىق-ت ۇلىك تاۋارلارىنا شەكتى باعانى بەلگىلەۋ جانە ساۋدا ۇستەمەلەرىن 15%-دان 10%-عا دەيىن تومەندەتۋدى جانە ەلدە وندىرىلمەيتىن نەمەسە سىرتقى نارىقتاردا از مولشەردە وندىرىلەتىن ونىمدەردى ساتىپ الۋ تەتىگىن ەنگىزۋدى ۇسىنامىز», دەدى دەپۋتات.