اقش-تىڭ مايامي قالاسىندا ءوتىپ جاتقان WTA ساناتىنداعى حالىقارالىق تۋرنيردە قازاق تەننيسشىسى زارينا دياس جارىستىڭ نەگىزگى كەزەڭىنە شىقتى. بۇل تۋرالى قازاقستان تەننيس فەدەراتسياسى حابارلادى.
ول ىرىكتەۋ فينالىندا رەسەيلىك ۆارۆارا فلينكتى 7:6, 6:1 ەسەبىمەن ۇتتى. ەندى زارينا جارىستىڭ نەگىزگى كەزەڭىنىڭ العاشقى ويىنىندا الەمنىڭ 32-ءشى راكەتكاسى رۋمىن الەكساندرا كادانتۋمەن كەزدسەدى. بۇعان دەيىن حابارلاعانىمىزداي, زارينا قىتايداعى ITF ساناتىنداعى جارىستا جەڭىسكە جەتكەن سوڭ الەمدىك رەيتينگتە 13 ساتى جوعارىلاپ, 105 ورىنعا كوتەرىلگەن ەدى.
اقش-تىڭ فلوريدا شتاتىندا ءوتىپ جاتقان جارىسقا قازاقستاننىڭ ءبىرىنشى راكەتكاسى ياروسلاۆا شۆەدوۆا دا قاتىسۋدا. ول سوڭعى كەزدەسۋىندە ەكى سەتتە الەمنىڭ 46-شى راكەتكاسى يتاليان فابيان سكياۆونەنى 6:4,6:2 ەسەبىمەن جەڭدى. ەندى ول امەريكالىق سەرەنا ۋيليامسپەن كەزدەسەدى.
اتلانت مۇحيتى جاعالاۋىنداعى مايامي جارىسى قازاقستان تەننيسشىلەرى ءۇشىن قىزىقتى وتەتىن ءتۇرى بار.
داستان كەنجالين.
دەرەككوز: www.kft.kz.
فوتو: www.kft.kz.